Mae’r Ceidwadwyr yn wynebu is-etholiad tyngedfennol ym Mrycheiniog a Maesyfed heddiw (dydd Iau, Awst 1), gan y byddai colli’n golygu torri eu mwyafrif i ddim ond un sedd yn San Steffan.
Mae Chris Davies, yr aelod seneddol Ceidwadol a gollodd ei sedd yn sgil ei gael yn euog o dwyll, yn ceisio ennill y sedd yn ôl.
Ond y ffefryn i’w hennill yw Jane Dodds, y Democrat Rhyddfrydol, ar ôl i Blaid Cymru a’r Blaid Werdd benderfynu peidio â chyflwyno ymgeisydd, gan ddatgan eu cefnogaeth i’r Democratiaid Rhyddfrydol.
Ar hyn o bryd, mae gan y Ceidwadwyr 310 o aelodau seneddol, ac mae deg aelod seneddol y DUP yn eu cefnogi ar rai materion.
Mae gan y pleidiau eraill 318 o aelodau seneddol rhyngddyn nhw, felly gallai’r sedd hon gael effaith sylweddol ar rym y llywodraeth.
Y Democratiaid Rhyddfrydol enillodd y sedd yn 1997, cyn i’r Democratiaid Rhyddfrydol ei hennill yn 2015.
Yn 2017, roedd ganddyn nhw fwyafrif o 8,038, gan ennill 49% o’r bleidlais.
Yn y ras
Chris Davies (Ceidwadwyr)
Tom Davies (Llafur Cymru)
Jane Dodds (Democratiaid Rhyddfrydol)
Des Parkinson (Brexit Party)
Liz Phillips (UKIP)
Lady Lily The Pink (Official Monster Raving Loony Party)