Trin marwolaeth dyn, 49, o Gastell-nedd fel achos o lofruddiaeth

Diweddarwyd am  
Richard Andrews, o ardal Melyn, Castell-nedd

Richard Andrews, o ardal Melyn, Castell-nedd. Mae’r heddlu’n trin ei farwolaeth fel achos llofruddiaeth

Llun: Trwy law Heddlu’r De

Mae ditectifs wedi lansio ymchwiliad llofruddiaeth wedi marwolaeth dyn 49 oed o Gastell-nedd.

Roedd Heddlu De Cymru wedi cael gwybod ym mis Ionawr 2018 bod Richard Andrews, o ardal Melyn yn y dref, ar goll er mae’n debyg mai’r tro diwethaf iddo gael ei weld yn fyw oedd ar Fedi 16, 2017.

Cafodd ei gorff ei ddarganfod gan aelod o’r cyhoedd ar ddydd Sadwrn, Medi 29 2018, ar lannau’r Afon Nedd.

“Ymchwiliwyd yn drylwyr i amgylchiadau marwolaeth Richard Andrews ac rydym bellach yn amau ei fod wedi cael ei lofruddio,” dywedodd y Ditectif Brif Arolygydd Darren George.

“Roedd Richard yn gymeriad adnabyddus yn ardal Castell-nedd, lle gallai rhai pobl fod wedi ei adnabod trwy ei lysenw ‘Monkey’.”

“Roedd Richard yn unigolyn bregus a chredaf y gallai rhai fod wedi cymryd mantais ohono. Ar adeg ei ddiflaniad credir ei fod yn ymwneud ag unigolion o ardal Lerpwl, a oedd yn delio â chyffuriau o gwmpas ardaloedd Castell-nedd a Llansawel.”

Mae’r heddlu wedi apelio am gymorth gan y gymuned leol.

Mae Taclo’r Taclau yn cynnig gwobr o hyd at £10,000 am wybodaeth yn ymwneud ag arestio a dedfrydu’r person neu bobol sy’n gyfrifol am ladd Richard Andrews. Dylai unrhyw un sydd â gwybodaeth ffonio Taclo’r Taclau ar 0800 555 111  neu’r heddlu ar 101.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer