Mae Heddlu’r De yn apelio am dystion wedi gwrthdrawiad angheuol yng Nghaerdydd neithiwr (nos Iau, Gorffennaf 25).
Bu farw gyrrwr y car, Jaguar XKR lliw llwyd, yn y gwrthdrawiad ar Heol y Gadeirlan ym Mhontcanna tua 5.45pm neithiwr.
Mae’n debyg ei fod wedi taro nifer o gerbydau eraill yn ystod y gwrthdrawiad.
Mae swyddog cyswllt arbenigol yn rhoi cymorth i’w deulu.
Dywedodd Heddlu De Cymru eu bod yn awyddus i siarad gydag unrhyw un a welodd y gwrthdrawiad neu a oedd wedi stopio i helpu, neu a welodd y car yn cael ei yrru cyn y gwrthdrawiad.
Bu’r ffordd ynghau am bedair awr wrth i’r heddlu ymchwilio i’r digwyddiad.
Dylai unrhyw un sydd â gwybodaeth gysylltu â’r heddlu ar 101 gan nodi’r cyfeirnod 1900272359.
Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.
Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.
Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.
Gwefan yr Heddlu
