Llofruddiaeth Caerdydd: cyhoeddi enw dyn, 21

Diweddarwyd am  
Asim Khan, 21, fu farw wedi digwyddiad yng Nghaerdydd

Asim Khan, 21, fu farw wedi digwyddiad yng Nghaerdydd

Llun: trwy law Heddlu De Cymru

Mae Heddlu’r De wedi cyhoeddi enw dyn 21 oed a fu farw wedi digwyddiad yng nghanol Caerdydd yn gynnar fore dydd Sul (Gorffennaf 21).

Cafodd Asim Khan o Grangetown ei drin gan y gwasanaethau brys ar y safle a’i gludo i Ysbyty Athrofaol Cymru Caerdydd ond bu farw o’i anafiadau yn ddiweddarach.

Mae ei deulu yn cael cymorth gan swyddogion cyswllt teulu arbenigol.

Cafodd dyn 27 oed ei arestio mewn cysylltiad â’r digwyddiad ac mae’n cael ei gadw yn y ddalfa.

Mae Heddlu’r De yn apelio am wybodaeth ac yn awyddus i siarad ag unrhyw un a allai fod wedi gweld y digwyddiad neu a oedd wedi gweld rhywun yn ffoi o’r safle.

Cafodd yr heddlu eu galw tua 4.50yb i Heol Eglwys Fair yn dilyn adroddiadau o ymosodiad.

Yn ôl yr heddlu, roedd ffrwgwd ger bwyty McDonald’s a siop Oxfam, ac fe gwympodd y dyn i’r llawr ar ôl cael ei drywanu.

Mae lle i gredu bod y sawl oedd yn gyfrifol wedi rhedeg i ffwrdd i gyfeiriad Heol Wood ac yna i gyfeiriad Heol Penarth y tu ôl i orsaf Caerdydd Canolog.

Dylai unrhyw un â gwybodaeth gysylltu â’r heddlu ar 101 neu Taclo’r Taclau ar 0800 555 111, gan nodi’r cyfeirnod 1900265784.

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones