Comiwnyddion yn lladd ar y Llywodraeth a’r Cynulliad tros bwerau ôl-Brexit

Diweddarwyd am  

Gorymdaith People’s Vote, Llundain Mehefin 23, 2018

Llun: Comin Wicimedia

Mae’r Comiwnyddion Cymreig yn dadlau y dylai Llywodraeth Cymru ac aelodau’r Cynulliad fod wedi pleidleisio o blaid dod â phwerau Ewropeaidd i Gymru yn hytrach na’u cadw ym Mrwsel.

Fe fu pwyllgor Cymreig y blaid yn cwrdd ym Merthyr Tudful, lle mae Trevor Jones, ysgrifennydd Cymreig y blaid, yn dweud bod gwrthod y Cytundeb Ymadael a chefnogi ail refferendwm gydag aros ymhlith yr opsiynau yn “sarhad” i bleidleiswyr o Gymru oedd yn dymuno gadael yn 2016.

Ac maen nhw’n cyhuddo’r Llywodraeth hefyd o “wrthod tynnu pwerau oddi ar fiwrocratiaid y Comisiwn Ewropeaidd”.

Sylwadau’r ysgrifennydd

Dywed Trevor Jones fod llywodraethau Cymru a Phrydain eisoes wedi cytuno i drosglwyddo pwerau llawn neu rannol mewn o leiaf 70 o feysydd o’r Undeb Ewropeaidd i’r Cynulliad ar ôl Brexit.

Ac mae’n feirniadol o’r cynigion ar Ragfyr 4 yn erbyn y Cytundeb Ymadael ac ar Fehefin 5 o blaid ail refferendwm Brexit.

“Mae’n anodd credu bod y rhan fwyaf o bobol sy’n deddfu ym Mae Caerdydd am danseilio Brexit fel y byddai’r pwerau hyn yn aros ym Mrwsel am byth,” meddai.

Mae hefyd wedi lladd ar Blaid Cymru am gefnogi annibyniaeth i Gymru ond “ildio’n barhaus bwerau deddfu hanfodol i fiwrocratiaid hunan-bwysig yng Ngwlad Belg sydd o blaid busnesau mawr”.

Mae’r Comiwnyddion yn galw am Brydain ffederal y tu allan i’r Undeb Ewropeaidd, gyda phwerau wedi’u datganoli’n llawn i Gymru a’r Alban.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones