Nawdd i awduron ethnig ac anabl yng Nghymru

 

Llun: CC0

Mae Llenyddiaeth Cymru wedi cyhoeddi cynllun newydd a fydd yn rhoi nawdd i awduron “a gaiff eu tangynrychioli”.

Mae ‘Cynrychioli Pawb’ yn gynllun peilot sy’n cynnig grantiau rhwng £50 a £1,000 er mwyn bod yn awdur proffesiynol.

Yn ôl Llenyddiaeth Cymru, bwriad y cynllun yw rhoi cyfleoedd yn y byd llenyddol i awduron o gefndiroedd Du, Asiaidd a lleiafrifoedd ethnig, yn ogystal ag awduron sydd ag anabledd neu salwch – meddyliol neu gorfforol.

“Dylai awduron Cymru gynnwys ystod o oedrannau, o gefndiroedd cymdeithasol ac economaidd, ethnigedd, rhyw, ardaloedd ac ieithoedd,” meddai Prif Weithredwr Llenyddiaeth Cymru, Lleucu Siencyn.

“Nid cau unrhyw un allan yw’r bwriad yma, ond yn hytrach creu cyfleoedd teg a chyfartal, a sicrhau fod datblygiad proffesiynol ac arloesedd celfyddydol ar gael i bawb.”

Ymgeisio am arian

Mae modd i awduron wneud cais am nawdd ar gyfer datblygiad proffesiynol o’u dewis.

Fe all hynny gynnwys mynychu digwyddiad neu gynhadledd; cysgodi awdur at ddibenion hyfforddiant a datblygiad; costau i ddatblygu dull newydd o weithio, neu gyflawni cyfres o weithdai llenyddol yn y gymuned.

Y dyddiad cau ar gyfer ceisiadau yw Awst 21.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer