Hansh – “un o’r atebion i her fawr S4C”

Diweddarwyd  
Gareth yr epa yn y fideo i’r gân ‘Mŵfs fel Dafydd Iwan’

Gareth yr epa yn y fideo i’r gân ‘Mŵfs fel Dafydd Iwan’

Llun Antena

Mae Cadeirydd S4C wedi bod yn brolio gwasanaeth Hansh wrth gylchgrawn Golwg.

Yr wythnos hon fe gyhoeddodd y Sianel Gymraeg ei Hadroddiad Blynyddol sy’n dangos bod 14% yn llai o bobol yng Nghymru yn gwylio rhaglenni Cymraeg ar deledu.

Ond mae’r niferoedd sy’n gwylio cynnyrch S4C ar y We yn fwy cadarnhaol.

Drwyddi draw bu 46.9 miliwn o sesiynau gwylio cynnyrch S4C ar-lein yn y 12 mis hyd at fis Mawrth eleni, sef cynnydd o 1.9 miliwn ar y flwyddyn flaenorol.

Ac mae pytiau Hansh, gyda chymeriadau megis ‘Gareth’ yr epa sinsir sy’n canu ‘Mŵfs fel Dafydd Iwan’, wedi dod yn fwyfwy poblogaidd.

Roedd nifer sesiynau gwylio’r gwasanaeth sy’n targedu pobol 16 i 34 oed wedi cynyddu o 4.9 miliwn y llynedd i 6.8 miliwn eleni.

Hansh “wedi cydio”

Yn ôl Cadeirydd Awdurdod S4C mae pytiau Hansh “wedi cydio yn nychymyg cynulleidfa iau”.

“Mae Hansh, i weld, wedi caniatáu i S4C gomisiynu deunydd reit wahanol i beth sy’n cael ei ddarlledu ar y teledu, ac mae hynny i weld yn mynd lawr yn dda gyda’r gynulleidfa darged,” meddai Huw Jones wrth gylchgrawn Golwg.

“Ac mae o’n un o’r atebion i’r her fawr mae S4C wedi wynebu, sef sut ydach chi’n darparu ar gyfer pob chwaeth ar un sianel yn unig.

“Wel yr ateb rŵan ydy, mae ganddo chi’r cyfle i greu sianelau digidol… mae Hansh yn ei wneud o ar gyfer y gynulleidfa iau – ond ddim jest pobol ifanc, ond pobol sydd yn ifanc eu hysbryd hefyd.

“Ac felly mae o yn arwydd o’r ffordd ymlaen o ran sut i wneud hyn.”

Mwy gan Huw Jones yng nghylchgrawn Golwg – ei hoff raglenni… a’i rybudd am sefyllfa ariannol S4C – “mi fydd yna heriau ariannol yn y dyfodol”.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer