“Carreg filltir hanesyddol ar ein taith i annibyniaeth”

Diweddarwyd am  
Y Cynghorydd Nia Jeffreys

Y Cynghorydd Nia Jeffreys

Llun Yes Cymru

Mae datganiad Cyngor Gwynedd o blaid annibyniaeth i Gymru yn “garreg filltir hanesyddol ar ein taith i annibyniaeth”.

Dyna farn y cynghorydd a gyflwynodd y cynnig gerbron cynghorwyr ddoe (dydd Iau, Gorffennaf 18) yn galw ar y cyngor sir i “anfon neges glir nad yw Cymru yn rhy fach na thlawd i sefyll ar ei thraed”.

Cafodd y cynnig ei gefnogi gan 42 o gynghorwyr, gyda dim ond pedwar yn pleidleisio yn erbyn, a phump yn atal eu pleidlais.

Yn dilyn cymeradwyo’r cynnig, dywed y Cynghorydd Nia Jeffreys y bydd baner y mudiad YesCymru yn cyhwfan y tu allan i bencadlys y cyngor sir.

Mae hi hefyd yn gobeithio y bydd cynrychiolwyr o bob plaid wleidyddol yn bresennol yn yr orymdaith i gefnogi annibyniaeth a fydd yn cael ei chynnal yng Nghaernarfon ddiwedd y mis.

“Symbol hynod o gadarnhaol a phositif”

“Mae symbolau yn hynod o bwysig i unrhyw genedl, i bobol ac i wlad,” meddai Nia Jeffreys wrth golwg360.

“Mae hwn yn symbol bod Cyngor Gwynedd yn datgan ein hunanhyder a’n hunan-barch a’n bod ni’n dweud: ‘na, dydyn ni ddim yn rhy fach, dydyn ni ddim yn rhy dlawd, dydyn ni ddim yn rhy dwp i sefyll ar ein traed ein hunain a gwneud ein penderfyniadau ein hunain’…

“Mae hanes Cymru a hanes pob gwlad yn llwybr o symbolau gwahanol, felly dydw i ddim yn gwneud ymddiheuriad bod hwn yn symbol,” ychwanegodd.

“Mae’n symbol hynod o gadarnhaol a phositif, a dw i’n falch iawn bod pobol ifanc a phlant fy hun a phlant eraill yn clywed bod Cyngor Gwynedd yn gwneud y datganiad hanesyddol a symbolaidd hwn.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones