Miloedd o bysgod Sir Gaerfyrddin wedi marw oherwydd llygredd

 
Logo Cyfoeth Naturiol Cymru

Logo Cyfoeth Naturiol Cymru

Llun: Cyfoeth Naturiol Cymru

Mae mwy na 2,000 o bysgod wedi marw o ganlyniad i lygredd yn afon Dulas ger Capel Isaac yn Sir Gaerfyrddin, yn ôl Cyfoeth Naturiol Cymru.

Maen nhw hefyd yn dweud bod darn tair milltir (4.7km) o’r afon, sy’n bwydo i mewn i afon Tywi, wedi cael ei effeithio.

Mae swyddogion wedi bod ar y safle yn cymryd samplau a chynnal arolygon ers iddyn nhw gael gwybod am y digwyddiad ar Orffennaf 8.

Mae’r pysgod a gafodd eu “effeithio’n sylweddol”, medden nhw, yn cynnwys brithyllod, pennau lletwad, llysywod, llysywod pendoll, gwarchod barfog, pilcod ac eogiaid.

“Ystyried cymryd camau cyfreithiol”

“Yn anffodus, gallwn gadarnhau bod nifer sylweddol o bysgod wedi cael eu lladd ac y bydd hyn yn cael effaith niweidiol ar yr afon am flynyddoedd i ddod,” meddai Ioan Williams o Gyfoeth Naturiol Cymru.

“Mae ein staff wedi bod yn gweithio’n ddiflino yn casglu tystiolaeth am y digwyddiad hwn a byddwn yn defnyddio’r dystiolaeth honno wrth ystyried cymryd camau cyfreithiol yn y dyfodol.”

Dywed ymhellach ei bod yn “gwbwl annerbyniol ac anghyfrifol fod nifer fach o ffermwyr yn peidio â chymryd sylw o arfer a rheoliadau a thrwy hynny’n rhoi enw drwg i weddill y diwydiant.”

Daw’r achos diweddaraf o lygredd ar adeg pan fo lefelau pysgod fel eogiaid a sewin yn “isel iawn”, meddai Ioan Williams wedyn.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer