Meic Stevens a sylw am Fwslimiaid: “Dw i ddim yn hiliol”

Diweddarwyd  

Meic Stevens

Llun: Rhodri ap Dyfrig CC SA 4.0 trwy Gomin Wicimedia

Mae un o gantorion enwoca’ Cymru yn gwadu iddo wneud sylw hiliol am Fwslimiaid yn ystod gig yn nhref Caernarfon dros y Sul – er bod cantores arall wedi cerdded allan o’r digwyddiad oherwydd yr hyn ddywedodd.

Roedd Meic Stevens yn perfformio i gynulleidfa fawr yn Neuadd y Farchnad yn ystod Gŵyl Arall ddydd Sul (Gorffennaf 14) oan wnaeth sylw am y nifer o Fwslimiaid oedd ar fws yng Nghaerdydd tra’r oedd yn mynd i gasglu ei wyres o’r ysgol.

Yna, fe rybuddiodd y gynulleidfa, “Fe fyddan nhw yng Nghaernarfon cyn hir.”

Cerdded allan 

Yn ôl y gantores Sera Owen, sy’n enedigol o Gaernarfon ac yn un o artisitiaid y prosiect cerddoriaeth Gorwelion eleni, fe gerddodd hi a’i chariad allan o’r neuadd wedi i Meic Stevens sôn am ei brofiad ar y bws yng Nghaerdydd.

“Oedd hi’n gig dda, ac mi oedd pawb yn joio, ond tua diwedd y gig dyma fo’n dechrau sôn am fod ar fws yng Nghaerdydd ac mai dim ond pedwar person gwyn oedd ar y bws,” meddai Sera Owen wrth golwg360.

“Wnaeth o ddeud bod Mwslimiaid ar y bws yna, a wnaeth o ddeud rwbath fel ‘fe fyddan nhw yma yng Nghaernarfon cyn bo hir’.”

Mae’n dweud fod awyrgylch “reit anodd” yn y lle wedi iddo wneud ei sylwadau.

Meic Stevens “fel Morrisey”

Mae post arall ar Facebook, gan y cerddor Gorwel Roberts, yn cyhuddo’r canwr o hiliaeth, ac yn dweud na fydd yn mynd i weld Meic Stevens yn perfformio eto. 

Ai Meic Stevens yw'r Morrisey Cymraeg?Af i ddim i weld Meic Stevens eto. Heddiw yn Neuadd y Farchnad, Cofiland, gafodd…

Posted by Gorwel Roberts on Sunday, July 14, 2019

Meic Stevens yn gwadu

Mae Meic Stevens yn gwadu wrth golwg360 ei fod yn hiliol, ond yn cyfaddef ei fod wedi sôn am “Fwslimiaid ar fws ysgol” pan yn nôl ei wyres o’r ysgol yng Nghaerdydd.

Mae’n dweud nad oedd wnaeth sylw am Fwslimiaid “yng Nghaernarfon cyn bo hir” o gwbwl, ac dweud nad oes ganddo sylw pellach i’w wneud ar y mater. 

Cerddoriaeth

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer