Cynllun i drawsnewid hen gapel Cymraeg yn Lerpwl

Diweddarwyd  

Llun: CC0

Fe allai hen gapel Cymraeg yn ninas Lerpwl gael ei drawsnewid yn ganolfan gymunedol wedi 30 mlynedd o fod yn wag.

Mae’r hen gapel Presbyteraidd, sy’n cael ei alw’n ‘Gadeirlan Toxteth’ yn lleol, wedi ei lleoli yn Princes Road yn ardal Toxteth.

Yn ddiweddar, mae perchnogion yr adeilad, sef y Merseyside Buildings Preservation Trust, wedi derbyn addewid o £260,000 gan y Loteri Cenedlaethol er mwyn cynllunio’r gwaith adnewyddu.

Y gobaith yw y bydd hyn yn arwain at gyllid ychwanegol gwerth £2.5m ar gyfer trawsnewid y capel yn gartref newydd ar gyfer yr elusen KIND, sy’n darparu gwasanaethau ar gyfer plant difreintiedig Lerpwl.

Cefndir

Cafodd yr hen gapel ei adeiladu rhwng 1865 a 1967, ac mae wedi ei restru yn adeilad Gradd 2 yn yr arddull Gothig Fictorianaidd.

Mae’n un o dri adeilad yn Princes Road a gafodd eu dylunio gan y ddau frawd, William a George Audsley.

Roedd yn cael ei ddefnyddio fel addoldy gan y gymuned Gymraeg yn Lerpwl tan yr 1980au.

“Tipyn o siwrne o’n blaenau”

“Ein gweledigaeth ar gyfer y capel yw i greu canolfan gymunedol anhygoel,” meddai Prif Weithredwr KIND, Stephen Yip.

“Mae yna dipyn o siwrne o’n blaenau, yn ogystal â thipyn o arian i’w godi, ond dw i’n hyderus y gallwn ni, gyda’n cefndir a holl gefnogaeth y gymuned yn Lerpwl, ddod at ein gilydd i greu canolfan a fydd yn darparu ar gyfer gwahanol anghenion.

  • “Gwyliwch y gofod hwn.”

Cymru

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer