‘Dim camau pellach’ wedi marwolaeth Llanbedr Pont Steffan
Katarzyna Elzbieta Paszek
Llun: Heddlu Dyfed-Powys
Mae dyn a gafodd ei arestio yn dilyn marwolaeth dynes yn Llanbedr Pont Steffan y llynedd wedi cael ei ryddhau ac ni fydd unrhyw gamau pellach yn ei erbyn.
Cafodd y dyn, 40, ei arestio ar amheuaeth o lofruddio Katarzyna ‘Kasia’ Elzbieta Paszek, 39, a fu farw yn yr ysbyty wedi digwyddiad mewn eiddo ynghanol y dref ar Dachwedd 8.
Cafodd y dyn ei ryddhau ar fechnïaeth yn ddiweddarach, ond mae Heddlu Dyfed-Powys bellach wedi cadarnhau na fyddan nhw’n cymryd unrhyw gamau pellach yn ei erbyn.
Daw’r penderfyniad yn sgil adroddiad patholegydd ac ymgynghoriad gyda Gwasanaeth Erlyn y Goron, meddai llefarydd ar ran y llu.
Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.
Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.
Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.
