£3m yn creu 20 swydd newydd yn Llanbed wrth drawsnewid hen ganolfan

Diweddarwyd  
Canolfan Dulais, Llanbed

Canolfan Dulais, Llanbedr Pont Steffan

Llun golwg360

Bydd 20 o swyddi newydd yn cael eu creu yn nhref Llanbed wrth i hen ganolfan dderbyn buddsoddiad gwerth £3m.

Y bwriad yw troi Canolfan Dulais – yr ‘hen agri’ yn lleol – yn “Ganolfan Fenter Gymdeithasol” a fydd yn cynnig lle i 15 o fusnesau bach ac elusennau.

Bydd y ganolfan bresennol yn cael ei dymchwel, gydag adeilad deulawr 1,250m yn cymryd ei lle.

Yn gyfrifol am y datblygiad fydd Tai Ceredigion, perchnogion y ganolfan, ac maen nhw wedi elwa ar £1.5m gan Lywodraeth Cymru, gan gynnwys £1.1m o gyllid yr Undeb Ewropeaidd.

Gwella edrychiad y dref

Yn ogystal â gofod i fusnesau ac elusennau, bydd Canolfan Dulais ar ei newydd wedd hefyd yn cynnig ystafelloedd ar gyfer cynadleddau a hyfforddi, gan gynnwys band eang cyflym.

Yn ôl Selwyn Walters, aelod o’r cyngor tref a dirprwy faer Llanbed, mae’r buddsoddiad yn “newyddion da”.

“Mae’r Cyngor Tref wedi cefnogi’r cynlluniau o’r dechrau,” meddai Selwyn Walters wrth golwg360.

“Mae’n newyddion da, a gobeithio y bydd yn gwella’r lle ac yn gwneud y lle i edrych yn well.

“Doedd e ddim yn adeilad posh o’r dechrau… ond dw i’n credu y bydd yn hwb da i’r dref i gael adeilad smart yna.”

Arian a Busnes

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Anrhydeddau Gorsedd y Beirdd 2019