Y Tywysog Charles yn dechrau taith o gwmpas Cymru

Diweddarwyd am  

Tywysog Charles a Camilla, Dug a Duges Cernyw

Llun: Andy Gott CC 2.0 trwy Flickr

Fe fydd y Tywysog Charles yn dechrau taith o gwmpas Cymru heddiw (dydd Llun, Gorffennaf 1) i nodi 50 mlynedd union ers yr arwisgo.

Mae disgwyl i’r Tywysog a Duges Cernyw dreulio’r wythnos yn teithio o amgylch y wlad i nodi cael ei arwisgo’n Dywysog Cymru yng Nghaernarfon yn 1969.

Ond fydd e ddim yn ymweld â’r dref yr wythnos hon, lle cafodd ei arwisgo mewn seremoni fawreddog ar Orffennaf 1 hanner can mlynedd yn ôl.

Dywedodd llefarydd ar ran Clarence House: “Mae’r Tywysog a’r Dduges bob amser yn edrych ymlaen at eu hymweliad blynyddol i gwrdd â phobl ar draws Cymru.

“Fe fyddan nhw’n cael y cyfle i ymweld ag ystod eang o gymunedau, sefydliadau ac elusennau sy’n gweithio mor galed i wneud newidiadau positif.”

Ymweliadau

Heddiw, fe fydd y tywysog, yng nghanolfan alw Ymddiriedolaeth y Tywysog yn Nantgarw ger Pen-y-bont ar Ogwr i gyfarfod â rhai o’r bobol ifanc sy’n defnyddio’r gwasanaeth. Mae 72,000 o bobl ifanc yn cysylltu â’r elusen ar y ffon bob blwyddyn.

Fe fydd y tywysog hefyd yn ymweld â Choedwig Ty’n-y-Coed, lle bydd yn gweld sut mae ceffylau’n cyfrannu at waith pren yng nghoedwigoedd Llantrisant.

Bydd Tywysog a Duges Cernyw hefyd yn ymweld â phencadlys Heddlu’r De ym Mhen-y-bont ar Ogwr ac Ysbyty Llantrisant.

Wrth deithio i’r gorllewin, byddan nhw’n mynd i’w cartref yn Llwynywermod ger Llanymddyfri, lle bydd noson o adloniant yng nghwmni’r tenor Wynne Evans. Bydd enw’r delynores frenhinol newydd hefyd yn cael ei gyhoeddi yn ystod y noson.

Bydd y tywysog yn Abertawe ddydd Mercher (Gorffennaf 3), i nodi hanner canmlwyddiant ers iddi ddod yn ddinas. Yno, bydd yn ymweld â chapel y Tabernacl yn Nhreforys.

O’r fan honno, byddan nhw’n teithio i Lanofer yn Nhredegar Newydd a chanolfan ganser Maggie’s yn yr Eglwys Newydd yng Nghaerdydd.

Ddiwedd yr wythnos, byddan nhw’n mynd i’r Ysgwrn, cartre’r bardd Hedd Wyn yn Nhrawsfynydd, yn ogystal ag eglwys Mallwyd ym Machynlleth ar gyfer gwasanaeth Plygain.

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones