Pryder am ddyn “yn ymddwyn yn amheus” ym Machynlleth

Diweddarwyd  
Heddlu

Llun yr heddlu

Mae’r heddlu wedi cynyddu eu presenoldeb yn ardal Machynlleth wrth iddyn nhw ymchwilio i adroddiadau am ddyn “yn ymddwyn yn amheus”.

Daw wedi i rieni lleol fynegi pryder ynghylch y dyn sy’n achosi ofn i’w plant mewn mannau cyhoeddus yn y dref.

Ond yn ôl Heddlu Dyfed-Powys, dydyn nhw ddim wedi dod o hyd i’r dyn honedig, hyd yn hyn.

“Mae Heddlu Dyfed-Powys wedi derbyn adroddiadau am ddyn sy’n ymddwyn yn amheus yn ardal Machynlleth,” meddai llefarydd ar ran y llu.

“Mae swyddogion wedi ymweld â’r lleoliad, ond ni chafodd y dyn ei weld yn ystod eu hymweliad.

“Rydym yn cynnal patrolau yn yr ardal ac mae swyddogion hefyd yn gwneud ymholiadau er mwyn ceisio dod o hyd i’r dyn.”

Yn ôl Sarjant Huw Jones, dyw hi ddim yn ymddangos bod y dyn wedi ceisio dod i gysylltiad ag unrhyw un.

“Dw i’n annog aelodau’r gymuned i beidio â gweithredu eu hunain, ond i gysylltu â’r heddlu ar unwaith ar 101,” meddai. “Fe wnawn ni ymateb.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones