£10m i gefnogi prosiectau treftadaeth Cymru

Diweddarwyd am  

Llyfrgell Genedlaethol Cymru, Aberystwyth

Llun: Comin Wicimedia

Mae Cymru wedi derbyn £10m gan y Loteri Genedlaethol fydd yn mynd at gefnogi treftadaeth y wlad.

Fe fydd yr arian yn cael ei roi I wyth prosiect sy’n amrywio o warchod natur a thirweddau, diogelu hanes darlledu’r genedl, achub adeiladau hanesyddol bwysig, dosbarthiadau awyr agored, a sesiynau cof i bobol â dementia.

Dyma’r arian cyntaf mae Cymru wedi’i dderbyn gan y Loteri Genedlaethol ers iddi sefydlu ei fframwaith ariannu strategol newydd ddechrau eleni.

Dyma’r prosiectau fydd yn cael eu hariannu:

  • Archif Ddarlledu Cenedlaethol i Gymru – £4,751,000 i Lyfrgell Genedlaethol Cymru
  • Partneriaeth Tirwedd y Carneddau – £1,719,500 i Awdurdod Parc Cenedlaethol Eryri
  • Ynys Cybi: Cynllun Partneriaeth Tirwedd Ynys i’w Thrysori – £1,146,000 i Gyngor Sir Ynys Môn
  • Ailddatblygu Neuadd y Dref Maesteg – £774,900 i Gyngor Bwrdeistref Sirol Pen-y-bont ar Ogwr
  • Canolfan Bywyd Gwyllt Dyfi – £525,500 i Ymddiriedolaeth Bywyd Gwyllt Sir Drefaldwyn
  • Cysylltu’r Dreigiau: adfer poblogaethau a chynefinoedd ymlusgiaid ac amffibiaid yn Ne Cymru £428,700 i’r Ymddiriedolaeth Cadwraeth Amffibiaid ac Ymlusgiaid
  • Cochion Iach – £247,100 i Ymddiriedolaeth Bywyd Gwyllt De a Gorllewin Cymru
  • Prosiect Tŵr a Chlychau Nanhyfer – £123,600 i Eglwys Nanhyfer

“Amrywiol a chyfoethog”

“Mae’r gwobrau hyn yn dangos pa mor amrywiol a chyfoethog yw ein treftadaeth, a faint mae pobl yn poeni am bob agwedd ohono,” meddai Cadeirydd Cronfa Dreftadaeth y Loteri Genedlaethol yng Nghymru, y Farwnes Kay Andrews.

“Ni fyddai hyn yn bosibl heb y rhai sy’n chwarae’r Loteri Genedlaethol. Diolch yn fawr iawn i bob un ohonoch am ein galluogi i fuddsoddi yn y prosiectau gwych hyn ac yn ein cymunedau ym mhob rhan o Gymru.

“Diolch i chi, gallwn ddod â straeon yn ogystal ag adeiladau yn fyw a gallwn warchod ein bywyd gwyllt a’n tirweddau er mwyn iddynt fod yno ar gyfer y dyfodol. Adlewyrchir y blaenoriaethau hynny yn y dyfarniadau diweddar hyn.”

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer