Gweinidog yn pryderu am daliadau ffermwyr ar ôl Brexit

 
Ffermio

Fferm

Llun: www.shutterstock.com

“Dw i ddim yn gwybod sut y bydda i’n talu ffermwyr y flwyddyn nesaf” – Dyna mae Gweinidog Materion Gwledig Llywodraeth Cymru wedi ei gyfaddef.

Ar hyn o bryd mae cymorthdaliadau ffermwyr Cymru yn cael eu hariannu gan arian o’r Undeb Ewropeaidd, ond dros y misoedd nesaf mae disgwyl i wledydd Prydain adael yr undeb.

Mae ansicrwydd yn parhau tros sut fydd amaeth yn cael ei ariannu wedi hynny, ac mae Lesley Griffiths wedi ceryddu Llywodraeth San Steffan am fethu bod yn glir ar y mater.

“Does gen i ddim syniad beth yw’r gronfa ariannu ar hyn o bryd,” meddai wrth golwg360. “Dw i’n derbyn dros €300m [£268m] o Frwsel ar hyn o bryd i dalu ffermwyr.

“Dw i ddim yn siŵr o le daw’r cyllid [a fydd yn cymryd lle hynna]. Does neb o Lywodraeth y Deyrnas Unedig yn medru dweud wrtha’ i.

“Does dim gyda ni gweinidog o’r Trysorlys yng [nghyfarfodydd Defra]. Rydym wedi gofyn am hynna dro ar ôl tro. Mae’n llanast llwyr.”

Cyfarfodydd

Mae Lesley Griffiths yn mynychu cyfarfodydd Adran yr Amgylchedd, Bwyd a Materion Gwledig (Defra) San Steffan.

A gan dynnu sylw at yr ymgeisydd aflwyddiannus am arweinyddiaeth y Torïaid, Michael Gove; mae’n awgrymu bod dryswch Brexit bellach yn effeithio’r cyfarfodydd yma.

“Yn anffodus, doedd ein cyfarfod ddydd Llun ddim yn gynhyrchiol o gwbl,” meddai.

“Roedd Michael Gove [Ysgrifennydd yr Amgylchedd, Bwyd a Materion Gwledig y Deyrnas Unedig] i fod i gadeirio’r sesiwn ond mi dynnodd allan.

“Felly bu’n rhaid i Robert Goodwill – ei Is-ysgrifennydd Seneddol – gadeirio’r sesiwn.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer