£38,000 i Gymdeithas Enwau Lleoedd Cymru ar gyfer prosiect newydd

 
Cymdeithas Enwau Lleoedd Cymru

Cymdeithas Enwau Lleoedd Cymru

Llun: Gwefan Cymdeithas Enwau Lleoedd Cymru

Mae Cymdeithas Enwau Lleoedd Cymru wedi derbyn £38,000 gan y Loteri Genedlaethol er mwyn datblygu prosiect newydd a fydd yn “casglu ac yn cofnodi” enwau lleoedd.

Bwriad ‘Llwybrau’ fydd codi ymwybyddiaeth o werth enwau lleoedd ac annog pobol i gofnodi’r enwau hynny er mwyn eu diogelu.

Dros y ddwy flynedd nesaf, gobaith y gymdeithas yw cyflawni hyn ar lefel lleol a chenedlaethol drwy drefnu sgyrsiau, teithiau cerdded ac arddangosfeydd.

Mae’r cyfan yn adeiladu ar y prosiect blaenorol, ‘Gwarchod’, a dderbyniodd arian gan y Loteri Genedlaethol yn 2013.

“Mae’r prosiect yn berthnasol i Gymru gyfan a bydd croeso i bawb a all wneud cyfraniad,” meddai Cymdeithas Enwau Lleoedd Cymru. “Edrychwn ymlaen at gydweithio ag unigolion, cymdeithasau lleol a sefydliadau cenedlaethol.

“Wrth wneud hyn byddwn yn estyn ein gweithgarwch i gylchoedd newydd a fydd yn cynnwys y to hŷn, pobol fregus eu hiechyd, a thrigolion ardaloedd llai breintiedig.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer