Herio cynghorau sir i gefnogi annibyniaeth i Gymru

Diweddarwyd  
Annibyniaeth

Baner annibyniaeth yng ngorymdaith Pawb Dan Un Faner yng Nghaerdydd

Llun: Yes Cymru Abertawe

Dros yr wythnosau diwethaf mae amryw o gynghorau tref wedi datgan eu cefnogaeth at annibyniaeth, a bellach mae’r dyn a daniodd hyn oll wedi galw ar gynghorau sir i gymryd rhan.

Mae Rhydian Mason yn aelod o gyngor tref Machynlleth, ac ef a wnaeth annog y cyngor hwnnw i ddatgan eu cefnogaeth ym mis Mai.

Cyngor Tref Machynlleth oedd y cyntaf i wneud hynny, a bellach mae cynghorau Porthmadog a Blaenau Ffestiniog wedi dilyn ei esiampl.

Â’r syniad yn cydio ymhlith cynghorau tref, mae’r cynghorydd yn galw yn awr ar gynghorau sir i ddilyn y cynghorau tref a datgan eu cefnogaeth hwythau.

“Buaswn i’n lico gweld faint o gynghorau sydd yn ddigon dewr i geisio cymryd y cam,” meddai wrth golwg360.

“Dw i’n credu mai dyma’r fflam sydd angen iddyn nhw godi. Buaswn i’n ei gynnig yn her iddyn nhw a dweud y gwir.”

Mae’r her yma, meddai ar gyfer “unrhyw gyngor sir sy’n ystyried ei hun yn gyngor tros Gymru, neu gyngor sy’n sefyll lan dros ein gwerthoedd ni yng Nghymru.”

Y syniad yn cydio

Cyngor tref Blaenau Ffestiniog yw’r diweddaraf i ddatgan eu cefnogaeth at annibyniaeth i Gymru, ac mae Rhydian Mason yn “falch iawn” o weld cynghorau eraill yn cymryd rhan.

“Dyma’n union sydd angen digwydd,” meddai. “Os ydy penderfyniad Cyngor Machynlleth wedi rhoi hyder i bobol [mae hynny’n beth da].

“Yn amlwg mae hynna wedi helpu Porthmadog, ac mae Porthmadog wedi helpu Blaenau. Gorau i gyd po fwyaf.

“Mae’n dangos ein bod ni’n barod i gymryd y cam bach nesaf. Cam bach yw e really. Dydyn ni ddim yn newid y byd.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones