Diwrnod olaf deiseb adalw AS Brycheiniog a Sir Faesyfed

 
Chris Davies

Chris Davies, Aelod Seneddol tros Frycheiniog a Sir Faesyfed

Llun seneddol

Heddiw yw cyfle olaf etholwyr Brycheiniog a Maesyfed benderfynu a oes arnynt eisiau cael gwared ar eu Haelod Seneddol.

Fe fydd y Ceidwadwr Chris Davies, 51, yn wynebu isetholiad os yw 10% – tua 5,600 o bobol – o’i etholaeth yn llofnodi deiseb adalw yn ei erbyn.

Cafodd yr Aelod Seneddol ei ganfod yn euog o wneud ceisiadau ffug am arian ar ôl cyfaddef cyflwyno dwy anfoneb i ariannu dau dirlun i addurno ei swyddfa newydd yn 2015.

Fe gafodd ddirwy o £1,500 a £2,500 tuag at gostau cyfreithiol, ar ben gorchymyn i gynnal 50 awr o wasanaeth cymdeithasol.

Deiseb adalw

Mae’r ddeiseb wedi bod ar agor ers Mai 9 ac mae etholwyr Chris Davies wedi cael chwe wythnos nes heddiw pan cau am 5 o’r gloch.

Fe fydd nifer llofnodwyr y ddeiseb yn cael eu cyfrif am 10 bore fory (Dydd Gwener, Mehefin 21) yn Neuadd y Sir Llandrindod ym Mhowys.

Fel rheol mae deisebau fel hyn yn cael eu cynnal pan fydd Aelodau Seneddol yn cael dedfryd o garchar, dedfrydau gohiriedig, yn cael eu gwahardd o’r Cyffredin am 10 diwrnod o eistedd, neu yn euog o ddarparu gwybodaeth ffug am eu harian.

Cyn Aelod Seneddol Llafur Peterborough, Fiona Onasanya oedd yr Aelod cyntaf i gael ei thaflu o’r Senedd mewn deiseb adalw ym mis Mai ar ôl iddi gael ei charcharu am wyrdroi cwrs cyfiawnder.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer