Richard Parry-Jones yw cadeirydd gweithgor Ford Pen-y-bont

Diweddarwyd  
Llun agos o'r logo ar flaen car

Logo cwmni Ford

Llun: parth cyhoeddus

Yr Athro Richard Parry-Jones fydd yn arwain gweithgor sydd wedi’i sefydlu i helpu gweithwyr sydd wedi colli eu swyddi yn ffatri Ford ym Mhen-y-bont ar Ogwr.

Mae’n gadeirydd ar Fforwm Modurol Cymru, ac fe fu’n gweithio yn y gorffennol yn Brif Swyddog Technegol ac yn Bennaeth Gweithrediadau Ymchwil a Datblygu Byd-Eang cyn ymddeol yn 2007. 

Mae’r cwmni wedi penderfynu cau’r safle yn y dref, gyda 1,700 o swyddi’n cael eu colli.

Yn ymuno ag arweinydd y gweithgor fydd cynrychiolwyr y cwmni, llywodraethau Cymru a Phrydain, swyddogion undebau ac arweinwyr y cyngor sir.

Bydd y gweithgor yn cwrdd am y tro cyntaf yn y dref ar Orffennaf 1, ac yn edrych ar ffyrdd o helpu’r gweithwyr, dyfodol y safle ac effaith y cau ar y gymuned ehangach.

“Rhaid i’r effaith mae cyhoeddiad Ford wedi’i chael ac yn dal i’w chael ar y bobol sy’n byw a gweithio ym Mhen-y-bont ar Ogwr fod ym mlaen ein meddyliau a’n hymdrechion,” meddai Ken Skates, Gweinidog yr Economi.

“Rwy wrth fy modd, felly, fod rhywun o safon a chefndir yr Athro Richard Parry-Jones wedi cytuno i gadeirio’r gweithgor hanfodol hwn.

“Gwelsom pa mor lwyddiannus all y fath weithgorau fod wrth helpu i gyfateb sgiliau â chyfleoedd mewn llefydd eraill yng Nghymru, ac mae’n hanfodol bwysig fod y gweithgor hwn yn enwedig yn ystyried, nid yn unig y cyfraniad sylweddol sydd gan y gweithlu a’r cyfleuster i’w gynnig.”

Arian a Busnes

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer