Mark Drakeford yn trafod Brexit gyda ffermwyr

 
Ffermio

Fferm

Llun: www.shutterstock.com

Mae Prif Weinidog Cymru, Mark Drakeford, yn cael cyfarfod gydag Undeb Amaethwyr Cymru (FUW) fore heddiw (Dydd Llun, Mehefin 17) i drafod yr ansicrwydd sy’n wynebu’r diwydiant yn sgil Brexit.

Mae disgwyl i ffermwyr Cymru ddangos sut maen nhw’n bwriadu cynllunio ar gyfer dyfodol ansicr yn sgil Brexit a bydd trafodaethau ynglŷn â’r newidiadau i’r gefnogaeth ariannol ar gyfer amaethwyr.

Yn ogystal, mae ffermwyr Cymru yn teimlo bod ymosodiadau di-sail wedi cael eu hanelu at y diwydiant, a bydd hynny’n ffactor fydd yn cael ei drafod hefyd.

Mae ffermwyr o bob cwr o Gymru wedi ymgynnull yn Aberystwyth i glywed beth fydd gan Mark Drakeford i’w gynnig i helpu’r diwydiant yn y wlad.

“Rydym yn awyddus i glywed gan Mark Drakeford yn uniongyrchol ynglŷn â sut, yng nghanol ansicrwydd Brexit, y bydd Llywodraeth Cymru yn gallu sicrhau sefydlogrwydd i’n diwydiant,” meddai rheolwr gyfarwyddwr Undeb Amaethwyr Cymru, Alan Davies.

“Gweledigaeth”

“Gweledigaeth Undeb Amaethwyr Cymru yw sicrhau bod ffermydd yng Nghymru yn ffynnu ac yn gynaliadwy,” meddai Alan Davies.

Yn ystod y gynhadledd staff mae’r Undeb wedi trafod y prif heriau sy’n wynebu’r diwydiant yn y tymor hir a’r tymor byr.

“Mae yna lawer o faterion sydd y tu allan i reolaeth Mark Drakeford a Llywodraeth Cymru, fel trafodaethau Brexit, ac rwy’n falch bod safbwyntiau’r Undeb a’r Llywodraeth yn debyg o ran aros yn y Farchnad Sengl a’r Undeb Tollau.”

Yn ôl Alan Davies mae’r rhain yn ganolog i sicrhau bod economi, swyddi a diwydiant amaeth Cymru yn cael ei warchod.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones