Sion Jones yn galw ar Lafur Cymru i dorri’n rhydd o’r blaid yn Llundain

Diweddarwyd  

Sion Jones

Llun oddi ar ei wefan Twitter

Dylai Llafur Cymru dorri’n rhydd o’r blaid Brydeinig er mwyn ehangu ei apêl i Gymry Cymraeg, yn ôl eu hunig gynghorydd ar Gyngor Gwynedd.

Mae Sion Jones, sy’n cynrychioli ward Bethel, yn teimlo bod ei blaid yn cael ei ystyried yn “blaid Brydeinig” a bod angen iddyn nhw wneud eu hunain yn fwy “deniadol”.

Mae eisiau herio’r syniad mai Plaid Cymru yw plaid y Cymry Cymraeg, ac mae’n credu bod yn rhaid torri’n rhydd o’r blaid Brydeinig er mwyn gwneud hynny.

“Dw i’n teimlo ein bod ni’n rhy agos i’r blaid Brydeinig,” meddai wrth golwg360. “Ac mae hynny’n gwneud i bobol deimlo nad ydyn nhw’n gallu ein cefnogi ni os ydyn nhw’n [Gymry] Cymraeg.

“Pe bai’r Blaid Lafur Gymreig yn mynd ar wahân i’r blaid Brydeinig, byddai hynny’n gyfle da i ni ddweud … ein bod ni ddim jest yn blaid ar gyfer [y di-Gymraeg], rydym yn blaid hefyd ar gyfer Cymry Cymraeg.”

Annibyniaeth

Mae hefyd yn teimlo bod awydd am annibyniaeth ar dwf ymhlith y Cymry, ac mae’n credu y gallai Llafur Cymru “ymateb” i hynny trwy dorri’i chyswllt â Llundain.

“Mae’n amser i ni fod yn blaid sydd yn [cydnabod] bod yna rhyw fath o ddatblygiad yn digwydd o ran y diddordeb mewn annibyniaeth,” meddai.

“Dydyn ni ddim eisiau mynd yn rhy bell, ond gadewch i ni y Blaid Lafur ymateb i hyn rŵan er mwyn sicrhau ein bod yn medru denu pleidleisiau pobol sydd â diddordeb yn hynny.”

Dyw Sion Jones ddim eisiau i Gymru fod yn wlad annibynnol, a dydy’r cynghorydd ddim yn annog y blaid i newid eu safiad ar y mater.

Cymru

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Anrhydeddau Gorsedd y Beirdd 2019