Dod yn Aelod Cynulliad oedd “cyrhaeddiad mwyaf” Glyn Davies

 

Glyn Davies

Llun swyddogol San Steffan

Mae Glyn Davies wedi datgelu mai dod yn Aelod Cynulliad oedd ei “gyrhaeddiad mwyaf” a’i fod wedi bod yn “siomedig iawn” ar ôl colli’r sedd.

Mae’r Aelod Seneddol wedi cynrychioli Sir Drefaldwyn ers bron i ddegawd, a chyn hynny roedd yn Aelod Cynulliad tros Ganolbarth a Gorllewin Cymru.

Bellach mae wedi datgelu na fydd yn sefyll yn yr etholiad cyffredinol nesaf, a’i fod am gamu yn ôl o’r byd gwleidyddol am y tro.

Wrth edrych yn ôl ar ei yrfa, mae’r gŵr 75 oed yn datgelu mai ennill sedd ym Mae Caerdydd – nid San Steffan – oedd yr uchafbwynt.

“Fy nghyrhaeddiad mwyaf wrth edrych yn ôl – y cyrhaeddiad a ddaeth â’r mwyaf o foddhad i mi – oedd dod yn aelod swyddogol o Gynulliad Cenedlaethol Cymru,” meddai wrth golwg360.

“Yn y cyfnod cyntaf, dw i’n credu wnes i chwarae rhan wrth ddatblygu’r sefydliad yn un trawsbleidiol … Roeddwn i’n credu y gallwn greu clymblaid enfys.

“Ond roedd angen datblygu llywodraeth amgen yng Nghymru le’r oedd pob plaid yn gweithio â’i gilydd. Dw i dal yn awyddus i weld hynny.”

Seddi

Roedd Glyn Davies ymhlith y 60 cyntaf i gael eu hethol yn Aelodau Cynulliad yn 1999, ac mi dreuliodd wyth blynedd yn y rôl honno.

Yn etholiad 2007, roedd enw’r gwleidydd yn ail ar restr y blaid ar gyfer Canolbarth Gorllewin Cymru. Methodd y blaid ag ennill mwy nag un sedd yn y rhanbarth.

Dros Glawdd Offa

Ag yntau’n cynrychioli etholaeth sy’n rhannu ffin â Lloegr, mae’n tynnu sylw at ddibyniaeth ei phobol ar wasanaethau Seisnig.

Mae’n ystyried gwasanaeth iechyd Sir Amwythig yn un o’i “brif ddiddordebau”, a dyw’r gwleidydd ddim am i Glawdd Offa fod yn rhwystr i bobol Cymru.

“Dydw i ddim eisiau fe,” meddai. “Dydw i ddim eisiau iddo fod yn ffin. Ar ddiwedd y dydd, dyna i gyd mae’r cyhoedd eisiau yw gwasanaeth a chysylltiad.

“Mae hynny’n wir o ogledd Cymru hyd at y de. Mae’r mwyafrif o’r boblogaeth yn byw’n eithaf agos i’r ffin, a dydw i ddim yn credu bod eisiau’r ffin yna yn amharu ar wasanaeth cyhoeddus.”

Cymru

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer