Cefnogwyr Bangor yn creu clwb newydd i’r ddinas

Diweddarwyd am  

Arfbais clwb pêl-droed newydd Bangor

Llun: Bangor 1876

Mae clwb newydd dinas Bangor – sydd wedi’i sefydlu gan y cefnogwyr – wedi cyhoeddi enw’r fenter newydd.

Fe ddaeth ‘Clwb Pêl-Droed Bangor 1876 Football Club’ i fodolaeth wedi tymor cythryblus yn hanes clwb Dinas Bangor yn wyneb dyledion a chyhuddiadau o bob math yn erbyn y perchnogion.

Ar Fai 31, fe ddaeth Cymdeithas Cefnogwyr Clwb Pêl-droed Dinas Bangor yn gwmni heb yr un ddyled, ac fe wahoddwyd yr aelodau i gynnig enw ar gyfer y tîm newydd. ‘Bangor 1876’ oedd y dewis unfrydol gan yr aelodau.

Mae’r enw, meddai’r gymdeithas, yn ffordd o dalu teyrnged i hanes pêl-droed yn y ddinas. Fe gynhaliwyd y cyfarfod i sefydlu’r hen glwb pêl-droed ar Ragfyr 18, 1876.

Mae’r clwb newydd yn ceisio gafael yn y traddodiad hir ac ymgyrraedd at y safonau uchaf o fewn y gêm, gan roi’r pwyslais ar y gymuned yn hytrach na gwneud duwiau bach o’r perchnogion.

Fe fydd manylion am liwiau’r tim newyddd, ynghyd â’r cae lle bydd yn chwarae, yn cael eu cyhoeddi’n fuan.

Pêl-droed

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Anrhydeddau Gorsedd y Beirdd 2019