Teyrngedau i gyn Is-Ganghellor Prifysgol Aberystwyth

Diweddarwyd  
Yr Athro Noel Lloyd

Yr Athro Noel Lloyd

Llun: Wikipedia

Mae teyrngedau wedi’u rhoi i’r Athro Noel Lloyd, sydd wedi marw’n 72 oed.

Yn enedigol o Lanelli, roedd yn Is-Ganghellor rhwng 2004 a 2011, pan wnaeth e ymddeol o’i swydd.

Graddiodd mewn Mathemateg o Brifysgol Caergrawnt, cyn mynd yn ei flaen i gwblhau doethuriaeth ac i fod yn Gymrawd Ymchwil yng Ngholeg Sant Ioan.

Yn ystod ei yrfa ddisglair, fe fu’n gofrestrydd, ysgrifennydd, Deon y Gwyddorau a phennaeth Adran Fathemateg y brifysgol.

Mae’n gadael gwraig, Dilys, dau o blant a dau o wyrion.

“Gyda thristwch mawr y clywsom y newyddion am farwolaeth ein cyn Is-Ganghellor, yr Athro Noel Lloyd,” meddai’r brifysgol mewn datganiad.

“Roedd yn ŵr hynod egwyddorol, deallus, trugarog a diflino ei gyfraniad, ac mae’n gadael bwlch mawr ar ei ôl.

“Estynnwn ein cydymdeimlad dwysaf at ei wraig Dilys a’i deulu.”

Teyrngedau

Mae’r Arglwydd Nick Bourne ymhlith y rhai sydd wedi talu teyrnged iddo.

“Trist iawn o glywed am farwolaeth Dr. Noel Lloyd, dyn â doniau academaidd mawr,” meddai ar ei dudalen Twitter.

“Roedd yn Is-Ganghellor disglair ar Brifysgol Aberystwyth.

“Rwy’n falch ac yn freintiedig o fod wedi ei adnabod – dymunol, cynnes, egwyddorol, gonestrwydd llwyr.”

Dywed mudiad Cytûn eu bod yn “drist” ar ôl clywed am ei farwolaeth.

“Mae Cytûn yn cydymdeimlo’n ddwys â’i deulu a’i gyfeillion. Fe wnaeth gyfraniad aruthrol i’r dystiolaeth Gristnogol yng Nghymru.”

“Chwith cofnodi fod yr Athro Noel Lloyd wedi marw fore heddiw,” meddai Eglwys Bresbyteraidd Cymru ar eu tudalen Twitter neithiwr.

“Gweddïwn dros ei deulu yn eu galar,  diolchwn am fywyd a chyfraniad sylweddol y Cristion bonheddig, yr ysgolhaig a’r gwladweinydd annwyl yma.”

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones