Annibyniaeth i Gymru – “mae’r syniad yn cydio”

Diweddarwyd am  

Mae penderfyniad cyngor tref i gefnogi annibyniaeth i Gymru yn brawf bod y  “syniad yn cydio”.

Dyna mae Cadeirydd y Mudiad Yes Cymru wedi ei ddweud wrth golwg360 yn dilyn y newyddion ddoe bod Cyngor Tref Machynlleth y cyntaf yng Nghymru i gefnogi annibyniaeth

“Dw i’n meddwl ei fod o’n symud yr ymgyrch i gear arall,” meddai Siôn Jobbins o Yes Cymru wrth.

“Rydan ni wedi dechrau’r syniad o annibyniaeth ac mae hwnna dal i fynd ond rydan ni nawr yn gweld ein bod wedi cyrraedd cam arall.

“Mae’r syniad yn cydio felly mae’r cam yma gan Fachynlleth, er mor dynn oedd hi, yn un sylweddol…

“Mae’n gam hanesyddol a phwysig iawn gan y cyngor, a dw i’n diolch iddyn nhw,”

“Rhaid i bawb ystyried annibyniaeth”

Mae Siôn Jobbins yn credu bod y parch at Senedd San Steffan wedi mynd yn gyfan gwbl yng nghanol Brexit.

A’i obaith yw y bydd mwy o gynghorau Cymru yn dilyn Cyngor Tref Machynlleth.

“Byddai’n wych gweld cynghorau eraill yn dechrau mabwysiadu hyn,” meddai.

“Mae’n dangos bod rhaid i bawb sy’n byw yng Nghymru, boed yn Llafur neu Geidwadol, ystyried o ddifrif beth sydd yn mynd i ddigwydd i Gymru mewn dwy, tair blynedd achos fe all bethau symud yn gyflym iawn.

“Dydyn ni ddim eisiau cael ein dal yn ôl, ac mae’n rhaid i ni fel cenedl gryfhau ac mae hwn yn rhan ohoni.

“Beth sy’n wych ydi bod pobol newydd yn dechrau clywed am Yes Cymru ac yn dechrau ystyried annibyniaeth.”

Tros yr Haf fe fydd Siôn Jobbins a gweddill ymgyrchwyr Yes Cymru yn dosbarthu taflenni o ddrws i ddrws.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer