Lansio ‘pecyn cymorth’ i helpu athrawon y genedl

Diweddarwyd am  

Athro

Llun: CC0

Mae grŵp iechyd meddwl yn gobeithio rhoi help llaw i athrawon trwy lansio ‘pecyn cymorth’ ar Faes Eisteddfod yr Urdd.

Mae’r pecyn yn cynnwys cynlluniau gwers a thaflenni gwybodaeth yn y Gymraeg; ac yn ôl Sophie Ann Hughes, o meddwl.org, fe fydd o fudd i athrawon y genedl.

“Mae yna lot o adnoddau ar gael yn Saesneg,” meddai wrth golwg360. “Ac mae yna lot o bwysau ar
athrawon, erbyn hyn. Mae disgwyl iddyn nhw allu cefnogi iechyd meddwl.

“Ond yn aml iawn dydyn nhw ddim wedi cael yr hyfforddiant, na’r arweiniad, i wneud hynna.

“Felly roeddem ni’n awyddus iawn ddarparu rhywbeth trwy gyfrwng y Gymraeg er mwyn eu helpu
nhw yn hynny o beth.”

Mae Sophie Ann Hughes yn credu bod diffyg adnoddau iechyd meddwl Cymraeg, ac mae’n esbonio
bod ei gwefan wedi’i sefydlu er mwyn “llenwi’r bwlch yna”.

Y pecyn

Fersiwn Cymraeg yw’r ‘pecyn cymorth’ o becyn Saesneg a gafodd ei ddatblygu gan Ganolfan Genedlaethol Anna Freud.

Bydd y pecyn yn cael ei ddosbarthu i bob ysgol Gymraeg a dwyieithog yng Nghymru, ac mae ei ddeunydd wedi’i deilwra ar gyfer plant rhwng 11 a 14 oed.

Cafodd ei lansio ar Faes Eisteddfod yr Urdd Caerdydd ar Fro 2019, ar dydd Iau (Mai 30). Sophie Ann Hughes oedd arweinydd y prosiect.

Addysg

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer