Plaid Brexit ar y blaen ond pleidiau Aros yn gwneud yn dda

Diweddarwyd  
Pen ac ysgwydd Jill Evans

Jill Evans ASE

Llun@ Cyfrif Twitter Jill Evans

Plaid Brexit sydd wedi gwneud orau yn Etholiadau Ewrop yng Nghymru ond mae Plaid Cymru a’r Democratiaid Rhyddfrydol hefyd wedi gwneud yn dda iawn.

Am y tro cynta’ ers bron ganrif, fe gollodd Llafur etholiad Cymreig, gan ddod yn drydydd y tu ôl i Brexit a Phlaid Cymru, a ddaeth yn ail, a dim ond trwch blewyn o flaen y Dem Rhydd.

Roedd y Ceidwadwyr yn ôl yn y pumed safle lai na 2,000 o bleidleisau o flaen y Blaid Werdd.

Fel gyda gweddill gwledydd Prydain, y pleidiau sydd â safbwynt clir ar Brexit sydd wedi ennill tir.

Dwy sedd i Brexit

Mae’r canlyniad yn golygu y bydd gan blaid Brexit ddwy o’r pedair sedd Ewropeaidd yng Nghymru, gydag un yr un i Blaid Cymru a Llafur. Fe ddaeth Llafur o fewn tua 7,000 o bleidleisiau i golli eu sedd.

O ran sgôr Gadael neu Aros, y pleidiau sy’n bendant o blaid Aros a ddaeth yn gynta’ – gydag ansicrwydd ynghylch union safbwynt pleidleiswyr y Blaid Lafur.

Yn ôl Alastair Campbell, cyn- gynghorydd y Prif Weinidog Llafur, Tony Blair, y tebygrwydd oedd y byddai llawr o bleidleiswyr Llafur Cymru wedi bod o blaid Aros neu ail refferendwm.

 

Y canlyniadau

Brexit                   271,404

Plaid Cymru         163,928

Llafur                    127,833

Dem Rhydd         113,885

Ceidwadwyr          54,587

Gwyrddion            52,660

UKIP                       27,566

Change UK            24,332

 

Yr aelodau

Nathan Gill a James Freeman Wells,  Brexit

Jill Evans, Plaid Cymru

Jacqui Jones, Llafur

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer