Cynnal gorymdaith newid hinsawdd ym Mangor

Diweddarwyd  

Bu degau o bobol ifanc yn gorymdeithio drwy ddinas Bangor heddiw (dydd Gwener, Mai 24) yn galw ar lywodraethau’r byd i weithredu er mwyn atal cynhesu byd-eang.

Roedd yr orymdaith yn rhan o ymgyrch ryngwladol sydd wedi ei hysbrydoli gan yr ymgyrchwraig ifanc o Sweden, Greta Thunberg.

Ymhlith y gorymdeithwyr ym Mangor oedd disgyblion o ysgolion cynradd ac uwchradd lleol, gan gynnwys Pen-y-bryn, Tryfan a Dyffryn Ogwen.

Roedd Aelod Seneddol Arfon, Hywel Williams, ac Aelod Cynulliad Ynys Môn, Rhun ap Iorwerth, hefyd yn bresennol yn yr orymdaith.

‘Rhaid cychwyn gwrando’

Yn ôl un o’r siaradwyr heddiw, sef Macey Gray o gangen Extinction Rebellion yng ngogledd Cymru, dyma’r eildro i Youth Strike 4 Climate gynnal gorymdaith yn ninas Bangor eleni.

Ond roedd y digwyddiad heddiw “yn fwy” na’r un ddechrau mis Ebrill, meddai, sy’n profi bod pobol ifanc yn “frwdfrydig” tros ddiogelu’r amgylchedd.

“Y nod oedd galw ar bobol sydd mewn grym i gychwyn gwrando ar genedlaethau’r dyfodol sy’n poeni am eu dyfodol,” meddai Macey Gray wrth golwg360.

“Yn fy araith heddiw, fe wnes i gyfeirio at y ffaith fy mod i’n 19 oed ac yn meddwl peidio â chael plant oherwydd bod cyflwr yr hinsawdd mor wael fel ei bod hi’n benderfyniad doeth i beidio â dwyn plant i fyd lle mae’r amgylchedd yn ansicr.”

Protest beicio

Bydd protest arall yn cael ei chynnal ym Mangor dros y penwythnos, lle bydd ymgyrchwyr yn gorymdeithio drwy’r ddinas ar gefn beics.

Mae’r cyfan wedi ei drefnu ar y cyd rhwng Extinction Rebellion a Beicio Bangor, ac maen nhw’n galw ar Gyngor Gwynedd i ddarparu mwy o lwybrau ar gyfer beicwyr.

“Mae hwn ynglŷn â rhoi pwysau ar Gyngor Gwynedd ar ôl iddyn nhw gyhoeddi argyfwng newid hinsawdd,” meddai Macey Grey.

Bydd yr orymdaith yn cychwyn yng Nglanrafon am 10.30 bore Sadwrn.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer