Pryder am fwriad i chwilio am olew a nwy ym Mae Ceredigion

Diweddarwyd  

Olew

Llun: CC0

Mae ymgyrchwyr amgylcheddol wedi mynegi pryder yn sgil adroddiadau bod cwmni o’r Eidal yn bwriadu chwilio am olew a nwy ym Mae Ceredigion.

Mae golwg360 yn deall bod y cwmni ynni, Eni UK, yn bwriadu cynnal arolwg seismig mewn rhan o Fôr Iwerddon, a fydd hefyd yn cynnwys rhan o Fae Ceredigion sy’n cael ei ddiffinio’n Ardal Gadwraeth Arbennig.

Yn ôl adroddiadau, fe allai’r arolwg gael ei gynnal mor gynnar â dechrau mis Mehefin, gan barhau am rai wythnosau.

Poeni am “ardaloedd sensitif”

Mae’r corff amgylcheddol, Cadwraeth Morfilod a Dolffiniaid, ymhlith y rhai sydd wedi beirniadu’r bwriad i gynnal arolwg, gan godi pryderon ynghylch yr effaith y bydd yn ei gael ar “ardaloedd sensitif”.

“Mae morfilod a dolffiniaid yn byw mewn byd o ddŵr a synau. Mae lefelau uchel o synau o dan ddŵr sy’n dod o weithgareddau dynol, fel cloddio, chwilota am olew neu nwy ac ymarferiadau milwrol, yn gallu cael effaith fawr arnyn nhw,” meddai llefarydd.

“Maen amharu ar eu cyfathrebu, eu gyrru nhw i ffwrdd o ardaloedd pwysig, ac hyd yn oed yn achosi marwolaethau.”

“Pryderus iawn”

Mae Aelod Seneddol Ceredigion, Ben Lake, wedi dweud ei fod yn “bryderus iawn” ynghylch bwriad Eni UK.

Gan ystyried bod Llywodraeth Cymru eisoes wedi datgan bod y ddaear yn wynebu argyfwng hinsawdd a bod Llywodraeth y Deyrnas Gyfunol wedi ymrwymo i leihau allyriadau carbon, maen destun gofid mawr i mi fod y cwmni yma wedi cael caniatâd i gynnal yr arolwg o gwbl, heb sôn am gael ganiatâd i wneud hynny mewn ardal gadwraeth arbennig,” meddai.

Dwi wedi ysgrifennu at Weinidog BEIS y Llywodraeth i ddatgan fy mhryderon ac i annog yr Adran i ailystyried eu cefnogaeth ir cynllun hwn er lles yr amgylchedd morol lleol.

Mae golwg360 wedi gofyn i Lywodraeth Prydain ac Eni UK am ymateb.

Arian a Busnes

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Anrhydeddau Gorsedd y Beirdd 2019