Sylwadau Dafydd Elis-Thomas ar newyddiaduraeth Gymraeg yn “sarhaus”

Diweddarwyd  

Dafydd Elis-Thomas

Llun: Llywodraeth Cymru

Mae Gweinidog Diwylliant Cymru, Dafydd Elis-Thomas, yn honni bod newyddiaduriaeth Cymraeg yn annigonol a bod ganddo “ddim cof o glywed newyddion dwys” ar fwletinau Cymraeg.

“Dwi ddim yn cofio clywed llawer o newyddion dwys ar fwletinau newyddion Cymraeg ond falle mod i wedi colli rhywbeth,” meddai yn Siambr y Cynulliad heddiw (Dydd Mercher, Mai 22).

“Yr hyn sy’n bwysig i mi yw bod newyddion yn cael ei gyflwyno yn ddiddorol, ac rwy’n hoff iawn o newyddion Channel 4,” meddai.

Daw’r sylw yn dilyn y newyddion y bydd rhaglen Newyddion 9 ar S4C yn symud i 7.30 flwyddyn nesaf ar ôl hawlio slot 9.00 ers 2013.

“Sarhaus ac anwir”

Fe ymatebodd Delyth Jewell – Gweinidog cysgodol Plaid Cymru dros ddiwylliant – i sylwadau Dafydd Elis Thomas.

Mae hi’n gwrthod sylwadau’r Gweinidog gan ganmol rhaglenni newyddion Cymraeg a gwaith “arbennig”  newyddiadurwyr cyfrwng Cymraeg sy’n gweithio dan amodau o doriadau ac amserlenni caeth.

“Mae sylwadau’r gweinidog am ddiffyg safon newyddiaduraeth yn y Gymraeg yn gwbl sarhaus ac yn anwir,” meddai Delyth Jewell.

“Yn un, mae toreth o raglenni safonol yn y Gymraeg sy’n ymdrin â newyddion cyfoes mewn modd dadansoddol a threiddgar megis Post Cyntaf, Taro’r Post a rhaglenni arbenigol Radio Cymru, Newyddion 9 ac Y Byd a’r Bedwar.”

“Pwysau eithriadol”

Yn ôl Delyth Jewell hefyd “mae newyddiadurwyr sy’n gohebu yn y Gymraeg yn gweithio dan bwysau eithriadol ac yn gwneud gwaith arbennig dan amodau heriol.”

“Er enghraifft, gwelwyd toriadau DQF sylweddol i’r BBC ers 2012 gan weld cwtogi’r nifer o newyddiadurwyr ond disgwyliad i gynhyrchu’r un faint o gynnwys. Mae disgwyl i ohebwyr Cymraeg weithio yn y Gymraeg a’r Saesneg ar yr un pryd hefyd.

“Cefnogaeth gan eu Gweindiog Diwylliant sydd angen ar ein newyddiadurwyr nid tanseilio cyhoeddus. Gofynnaf i’r gweindiog dynnu ei eiriau yn ôl.”

Cymru

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Anrhydeddau Gorsedd y Beirdd 2019