Deuddegfed medal aur yn Chelsea i Medwyn Williams

Diweddarwyd  

Mae garddwr o Ynys Môn wedi ennill ei ddeuddegfed medal aur yn yr RHS Chelsea Flower Show fore heddiw (dydd Mawrth, Mai 21).

Bu Medwyn Williams o Lanfairpwll yn disgwyl am ei ganlyniad am 8 o’r gloch y bore mewn gŵyl nad ydi o wedi bod ynddi ers naw mlynedd.

“Well… dw i’n chuffed de! Hon ydi’r deuddegfed i mi wan de! Dwi’n Gymro Cymraeg ac yn trio rhoi Cymru ac Ynys Môn ar y map,” meddai wrth golwg360.

“Pobol wedi dychryn”

2010 oedd y tro diwetha’ i Medwyn Williams fod yn y sioe.

Cafodd ei dynnu yn ôl yno eleni ar ôl cael cynnig gan noddwyr Canna – “noddwyr da,” yn ôl y garddwr o’r ynys.

“Maen nhw’n arbenigwyn y r mewn bwyd garddwriaethol. Oedd hi mor ddrud i ddod yma i aros yn Llundain am wyth noson ond maen nhw wedi talu tro yma,” meddai.

“Mae pobol wedi dychryn yn gweld yr arddangosfa de, dydyn nhw heb weld ddim byd tebyg iddi,

“Mae hi’n ugain troedfedd o hyd, naw troedfedd o uchder, ac yn saith troedfedd o led.”

Enw Cymraeg ar domato

Ymhlith y pupur, y moron, y cennin a’r nionod mae un llysieuyn arbennig gan Medwyn Williams sydd yn “dathlu llwyddiant pêl-droed Cymru.”

“Tomato draig goch di ei henw hi, y tomato Cymraeg cyntaf erioed,” meddai.

Penderfynodd greu’r tomato yn dilyn llwyddiant Cymru ym mhencampwriaeth Ewro 2016, a dyma’r tro cyntaf iddi ymddangos yn Chelsea.

“Reit, fydd raid fi fynd rŵan, ma’ gen i gwsmeriaid yn disgwyl amdana i,” meddai Medwyn Williams wedyn.

 

Cefn Gwlad

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer