Teulu merch yn codi ymwybyddiaeth am iechyd meddwl pobol ifanc

Diweddarwyd  
Manon Jones

Lansio Sefydliad Manon Jones i godi ymwybyddiaeth am broblemau iechyd meddwl ymhlith pobl ifanc

Llun: Sefydliad Manon Jones

Mae teulu merch ifanc o Gaerdydd a fu farw trwy hunanladdiad yn creu sefydliad i helpu pobol ifanc gyda phroblemau iechyd meddwl.

Fe gollodd Manon Jones o Bontcanna ei brwydr yn erbyn iselder a chymerodd ei bywyd ei hun ym mis Mawrth y llynedd yn 16 oed.

Roedd hi’n ddisgybl yn Ysgol Plasmawr yn y brifddinas ac mae ei marwolaeth wedi cael effaith ddwys ar ei theulu, ffrindiau a’r gymuned ehangach.

Nawr mae ei rhieni, Jeff a Nikki Jones, a’i chwaer Megan, yn creu Sefydliad Manon Jones fydd yn cynnig cymorth a gwybodaeth i bobol ifanc sydd â phroblemau iechyd meddwl.

 “Taflu goleuni yn yr argyfwng”

“Roedd Manon yn gymeriad disglair, deinamig a thalentog – roedd yn ofalgar, yn gariadus ac yn angerddol. O’r tu allan roedd fel petai’r byd wrth ei thraed, ond y tu mewn iddi roedd yma lofrudd tywyll a distaw yn amsugno pob teimlad o bositifrwydd y gallai ddod o hyd iddo,” meddai ei mam Nikki Jones.

“Roedd Manon bob amser yn ceisio gwneud y byd yn lle gwell i bawb o’i chwmpas, felly rydym am greu’r Sefydliad i helpu i daflu goleuni am yr argyfwng iechyd meddwl tywyllaf a lledaenu caredigrwydd dros rannau caletaf bywyd.”

Daeth hanes Manon Jones i’r amlwg ar ôl i aelod Senedd Ieuenctid Cymru, Manon Clarke, siarad yn angerddol am frwydr ei ffrind ac am y gefnogaeth brin sydd ar gael i bobol ifanc sy’n dioddef.

Taith 250 milltir

Fe fydd grŵp o ffrindiau a theulu Manon Jones yn gwneud taith feic 250 milltir ar hyd Lôn Las Cymru – o Gaergybi i Gaerdydd , ar Ŵyl Banc y Sulgwyn (Dydd Llun, Mai 27), er mwyn lansio’r sefydliad.

Mae’r grŵp eisiau codi arian a chodi ymwybyddiaeth o iechyd meddwl pobol ifanc pan mae llawer yn wynebu pryder ynghylch arholiadau.

“Roedd Manon yn ddisgybl gwych ac rydym i gyd yn ei cholli. Rydym yn gymuned agos ac roeddem am helpu ym mha ffordd bynnag y gallem ar ei chyfer hi a chynifer o’n pobl ifanc,” meddai Rhys Harries, pennaeth Ysgol Treganna.

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Anrhydeddau Gorsedd y Beirdd 2019