Cyfarfod i drafod effaith tai gwyliau ar y Gymraeg

 

Liz Saville Roberts AS

Llun: Chris McAndrew CC2.0 trwy Gomin Wicimedia

Fe fydd cyfarfod yn cael ei chynnal ym Mhenrhyndeudraeth heddiw (Dydd Sadwrn, Mai 18) i drafod camau polisi i fynd i’r afael ag effaith tai gwyliau ar y Gymraeg.

Fe fydd yr Aelod Seneddol lleol, Liz Saville Roberts, ac Elfed Roberts ac Elin Hywel o Gymdeithas yr Iaith yn arwain y drafodaeth o dan gadeiryddiaeth Sel Jones, datblygwr llety gwyliau ac ymgyrchydd iaith o Gaernarfon.

Mae ystadegau diweddar yn dangos bod 39% o’r tai a werthwyd yng Ngwynedd yn 2017/18 yn ail gartrefi.

“Annhegwch presennol yn rhemp”

“Os oes yna un pwnc llosg sy’n crisialu argyfwng y Gymru gyfoes, yna “Tai” yw hwnnw,” meddai Robat Idris o Gymdeithas yr Iaith.

“Pwy sy’n berchen arnyn nhw? Pwy sy’n medru fforddio eu prynu? Pwy sy’n methu fforddio eu prynu? Mae’r annhegwch presennol yn rhemp.”

“Mae yna ddadl am edrych tuag at beth mae ardaloedd yng Nghernyw wedi gwneud, o ran cyfyngu ar y nifer o ail gartrefi mewn ardal, ac mae hynny’n un pwynt sydd angen ei drafod.”

Pobol ifanc yn gadael

Mae Robat Idris yn cyfeirio at y “pwysau aruthrol” sy’n wynebu siroedd Cymreig Gorllewin Cymru oherwydd bod cymaint o ail gartrefi a rhai ar gyfer ymwelwyr.

“Does ryfedd yn y byd fod yna broblem aruthrol wedi datblygu i raddau sy’n waeth na dim a welwyd yn y gorffennol, ar waetha’r holl rybuddion a’r ymgyrchu a fu.

“Os edrychwn ar Ynys Môn, Gwynedd, Ceredigion a Chaerfyrddin dros y degawd diwethaf, mae 117,000 o bobl ifanc rhwng 15 a 29 wedi gadael yr ardaloedd hynny”.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Anrhydeddau Gorsedd y Beirdd 2019