Cyngor Wrecsam “wedi cynnig cefnogaeth” i Comic Con Cymru

 
Neges ar wefan yn dweud bod yr wyl yn symud i Telford

Neges Comic Con ar eu gwefan

Llun: O wefan Comic Con

Yn dilyn beirniadaeth tros amgylchiadau symud gŵyl o Wrecsam i Loegr, mae’r cyngor sir yn mynnu eu bod “wedi cynnig cefnogaeth” i Comic Con Cymru.

Cafodd Cyngor Wrecsam eu beirniadu ddoe (Dydd Iau, Mai 16) am beidio gwneud mwy i sicrhau bod yr ŵyl Gymreig fawr yn aros yn y dref.

Er mai Comic Con Cymru yw enw’r ŵyl, mae’r trefnwyr wedi cyhoeddi eu bod yn gorfod ei symud o Wrecsam i Telford yn Swydd Amwythig eleni.

Dywed y Cynghorydd Plaid Cymru yn Wrecsam, Marc Jones, bod y bai yn blwmp ac yn blaen ar Gyngor Wrecsam a Llywodraeth Cymru am ddiffyg cefnogaeth.

“Tydi hi ddim wedi cael lot o gefnogaeth gan yr awdurdodau a fyswn i’n pwyntio bys yn blaen atyn nhw,” meddai.

Y llynedd, roedd yr ŵyl yn dathlu degawd yn y gogledd, gan ddenu 15,000 o bobol a chyfrannu tua £1 miliwn at yr economi lleol.

“Wedi cynnig cefnogaeth”

Ond yn ôl y Cynghorydd Terry Evans, Arweinydd Ddatblygu Economaidd ac Adfywio Cyngor Wrecsam, “mae cynrychiolwyr o’r Cyngor wedi cysylltu â Comic Con dros y blynyddoedd i gynnig cefnogaeth.

“Yn ddiweddar, bu’r cyngor yn cefnogi’r confensiwn gyda darpariaethau staff gwirfoddol, er bod y cynnig hwn wedi ei wrthod y flwyddyn ganlynol.”

Enillodd yr ŵyl wobr y Digwyddiad Mawr Gorau yng Ngwobrau Twristiaeth 2017 Wrecsam.

Yn ôl gwefan trefnwyr Comic Con, diffyg lle yw’r rheswm tros symud i Telford.

“Cafodd trefnwyr Comic Con hefyd wahoddiad i gymryd rhan yng nghyfarfodydd y Grŵp Cynghori Diogelwch,” meddai Terry Evans, “a gynhelir er mwyn mynd i’r afael â materion fel mynediad a pharcio – fodd bynnag, ni chafwyd unrhyw gynrychiolaeth o’r digwyddiad.”

“Colled i’r ardal”

“Heb os, mae Comic Con yn mynd i Telford yn golled i galendr digwyddiadau’r ardal, ac rydym yn cydnabod eu llwyddiant a’r effaith y maent yn ei chael ar y diwydiant twristiaeth yma yn Wrecsam,” meddai’r Cynghorydd Terry Evans

“Rydym yn fwy na pharod i ymgysylltu â’r sefydliad i sicrhau y gellir dod o hyd i ateb ar gyfer digwyddiadau yn y dyfodol, ac er lles yr economi dwristiaeth leol.

“Byddem yn hapus i weithio gyda nhw ar ganfod atebion posibl neu safleoedd eraill ar gyfer y dyfodol os ydyn nhw’n rhagweld digwyddiadau yn yr ardal yn y dyfodol.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer