ExxonMobil yn dyblu maint eu ffatri yng Nghasnewydd

 
Ken Skates, Ysgrifennydd Economi Cymru

Ken Skates, Ysgrifennydd Economi Cymru

Llun: Cynulliad Cenedlaethol Cymru CC 2.0

Mae’r cwmni ynni ExxonMobil wedi cwblhau gwaith ar ei safle yng Nghasnewydd, gan ddyblu maint ei ffatri yno.

Yn dilyn mae 35 swydd barhaol wedi cael eu creu ar y safle, a chyflogwyd 130 yn ystod y gwaith adeiladu.

Mae ExxonMobil yn un o ddarparwyr ynni a masnachwr cemegol bwyaf y byd, ac mae’n hanu o Texas yn yr Unol Daleithiau.

Wrth greu thermoplastigau arbenigol maen nhw’n helpu i leihau pwysau cynnyrch modur, gan arwain at effeithlonrwydd tanwydd gwell a pherfformiad uwch.

“Hwb i economi Cymru”

“Mae’n braf gweld buddsoddiad ExxonMobil yn ei ffatri yng Nghasnewydd yn creu 35 o swyddi newydd ac yn rhoi hwb i economi Cymru,” meddai Gweinidog dros yr Economi a Thrafnidiaeth Llywodraeth Cymru, Ken Skates.

“Mae buddsoddiad fel hyn nid yn unig yn cefnogi’r diwydiant, ond mae hefyd yn darparu pleidlais o hyder i weithgynhyrchu yn Ne Cymru.”

“Wrth i ni baratoi i adael yr Undeb Ewropeaidd, mae’n bwysicach nag erioed bod diwydiant yn ceisio arloesi, buddsoddi a chynyddu cynhyrchiant lle bynnag y bo modd. ”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer