Beirniadu prifysgol am hysbysebu swyddi nyrsio heb y Gymraeg yn hanfodol

Diweddarwyd am  

Llun: CC0 trwy Pixabay

Mae Cymdeithas yr Iaith Gymraeg yn beirniadu Prifysgol Bangor am hysbysebu pedair swydd nyrsio heb grybwyll y Gymraeg yn sgil hanfodol.

Daw hyn wythnosau ar ôl i’r Coleg ar y Bryn dorri swydd cyfrwng Cymraeg yn y maes.

Fe gafodd y bifysgol wared å swydd nyrsio cyfrwng Cymraeg ym maes anabledd dysgu fel rhan o raglen o doriadau ym mis Ebrill.

Nawr, mae pedair swydd nyrsio yn nodi’r Gymraeg fel ‘sgil dymunol’ yn unig.

Llythyr

Mewn llythyr at Gomisiynydd yr Iaith mae Cadeirydd Grŵp Iechyd Cymdeithas yr Iaith Gymraeg, Gwerfyl Roberts, yn honni nad yw’r Brifysgol “wedi ymrwymo i warchod ei chapasiti dwyieithog yn sgil effaith y toriadau, nac ymdrechu i sicrhau dyfodol nyrsio anabledd dysgu cyfrwng Cymraeg”.

Mae hyn “yn mynd yn groes i Bolisi Iaith a Chynllun Gweithredu Prifysgol Bangor,” meddai.

“Galw am y Gymraeg”

Yn ôl Gwerfyl Roberts mae tystiolaeth gynyddol yn dangos y “trafferthion difrifol sy’n wynebu pobol gydag anabledd dysgu” pan maen nhw’n cyrchu gwasanaethau iechyd.

“Dengys deddfwriaeth a pholisi diweddar Lywodraeth Cymru fod angen nyrsys arbenigol yn y maes yn fwy nag erioed, ac yn enwedig i ateb y galw cynyddol am wasanaethau Cymraeg,” meddai.

“O ystyried buddsoddiad hael y Coleg Cymraeg Cenedlaethol dros y blynyddoedd, sydd wedi galluogi Prifysgol Bangor i arwain y ddarpariaeth cyfrwng Cymraeg mewn addysg nyrsio ar lefel genedlaethol, mae’r toriadau arfaethedig yn gywilyddus.”

Mae golwg360 wedi gofyn i Brifysgol Bangor am ymateb.

 

Addysg

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Perthynas gymhleth Cymru a Lerpwl