£160,000 er mwyn adnewyddu neuadd enwog Llanbedr Pont Steffan

Diweddarwyd am  
Neuadd Fictoria, Llanbedr Pont Steffan

Neuadd Fictoria, Llanbedr Pont Steffan

Llun Golwg360

Mae elusen wedi derbyn dros £160,000 mewn grant er mwyn datblygu ac adnewyddu neuadd hanesyddol yng nghanol tref Llanbedr Pont Steffan.

Cafodd Neuadd Fictoria ei hagor yn swyddogol yn 1884, a thros y blynyddoedd mae’r adeilad wedi cael ei defnyddio fel sinema ac fel lleoliad ar gyfer cyngherddau a dawnsfeydd.

Ers 2011, mae’r neuadd wedi bod yn nwylo Ymddiriedolaeth Trawsnewid Llambed, sy’n cynnal llu o weithgareddau yn y neuadd ar hyn o bryd, gan gynnwys gwersi Cymraeg, gigs a marchnad dan do.

Cafodd rhannau o’r adeilad eu hadnewyddu yn 2014, ond bwriad yr ymddiriedolaeth yw datblygu’r neuadd ymhellach, gan ei dychwelyd at ei gwreiddiau adloniannol.

“Y nod yw gwneud y neuadd yn lleoliad ar gyfer y celfyddydau unwaith yn rhagor,” meddai Gary Thorogood, Cadeirydd Ymddiriedolaeth Trawsnewid Llanbed, wrth golwg360.

“Ein gobaith fydd darparu adloniant sy’n cynnwys eitemau comedi a cherddoriaeth fyw…

“Bydd y cyfleusterau newydd yn cynnwys swyddfa docynnau newydd, offer goleuo a sain modern, seddi a llwyfan newydd, yn ogystal â chaffi.”

Dyma glip fideo o’r neuadd fel y mae ar hyn o bryd:

Arian a Busnes

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer