Protest pensiynau glanhawyr Prifysgol Bangor

Diweddarwyd am  
Y coleg ar y bryn

Prifysgol Bangor

Llun parth cyhoeddus

Bydd glanhawyr, cogyddion a swyddogion diogelwch Prifysgol Bangor yn cynnal protest yn erbyn bwriad eu cyflogwr i leihau eu pensiynau.

Yn ôl undeb Unsain, mae Prifysgol Bangor eisiau talu 12% yn llai i botiau pensiwn y gweithwyr ar y cyflogau isaf.

Ond ni fydd unrhyw gwtogi ar gyfraniadau i botiau pensiwn gweithwyr ar gyflogau uwch, megis darlithwyr ac uwch reolwyr, yn ôl Unsain.

“Mae gweithwyr cefnogol [Prifysgol] Bangor yn cael llai o gyflog ac mae eu pensiynau yn eithaf tlawd fel mae pethau,” meddai Wendy Allison o Unsain Cymru.

“Mae’r Brifysgol yn bygwth eu gwneud nhw yn dlotach pan fyddan nhw yn ymddeol tra, ac ar yr un pryd, yn gwarchod pensiynau gweithwyr ar gyflogau uwch.

“Mae’r anffafriaeth yn afiach.

“Yr oll mae’r gweithwyr cefnogol yn gofyn amdano yw’r un parch â’u cydweithwyr academaidd a’r rheolwyr.

“Maen nhw wedi cael llond bol ar gael eu trin fel gweithwyr eilradd.”

Bydd y rali yn cael ei chynnal ddydd Mawrth nesaf ar Ffordd y Coleg.

Mae golwg360 wedi gofyn i Brifysgol Bangor ymateb.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Anrhydeddau Gorsedd y Beirdd 2019