Cau ffatri Rehau yn “ergyd ddifrifol” i Amlwch

Diweddarwyd am  

Pont Britannia

Llun: Ian Warburton ar www.geograph.co.uk

Mae Llinos Medi, arweinydd Cyngor Sir Ynys Môn, yn dweud bod cau ffatri Rehau yn Amlwch yn “ergyd ddifrifol” i’r ynys.

Bydd y ffatri’n cau ddiwedd y flwyddyn, gyda thros 100 o swyddi’n cael eu colli mewn ardal lle mae nifer sylweddol o swyddi eisoes wedi’u colli o gwmnïau eraill.

Daeth cadarnhad ddechrau’r flwyddyn fod 104 o swyddi yn y fantol o ganlyniad i lai o alw dramor am gynhyrchion PVC y cwmni.

Mae’r cwmni bellach yn dweud nad oes yna ddewis arall er mwyn achub y ffatri.

“Mae hon yn ergyd ddifrifol i weithlu ffyddlon Rehau, eu teuluoedd, cymuned Amlwch ac ardaloedd y cylch,” meddai Llinos Medi mewn datganiad.

“Mae Rehau wedi bod yn un o brif gyflogwr y dref ac yn gyflogwr da ers degawdau – ac felly ein pryder mwya’ fydd dyfodol y gweithlu a’r teuluoedd hynny sy’n cael eu heffeithio’n uniongyrchol.

“Bydd y grŵp tasg sefydlwyd ar ôl crybwyll cau ddechrau’r flwyddyn yn parhau i weithio tuag at gydlynu’n effeithiol yr holl gymorth sydd ar gael i weithwyr.”

Mae’n dweud bod y cyhoeddiad, ynghyd â’r penderfyniad i atal cynllun Wylfa Newydd, yn gadael yr ynys, ac yn enwedig ardal Amlwch “mewn sefyllfa ansicr a bregus”.

Arian a Busnes

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer