“Allwn ni ddim meddwl am neb fyddai eisiau anafu ein tad a’n partner annwyl”

Diweddarwyd  

Gerald Corrigan: Llun teulu

Llun y teulu drwy law Heddlu’r Gogledd

Mae dyn oedrannus yn parhau mewn cyflwr difrifol yn yr ysbyty wedi iddo gael ei saethu â bwa croes ger Caergybi.

Fe dderbyniodd Gerald Corrigan anafiadau all beryglu bywyd yn y digwyddiad tu allan i’w gartref yn oriau mân fore Gwener.

Mae Heddlu’r Gogledd bellach yn apelio am wybodaeth gan unrhyw un sy’n ymwneud â hela neu reoli pla yn ardal Ynys Lawd.

Oherwydd natur ei anafiadau, dywedodd yr heddlu fod Mr Corrigan, sy’n 74 oed, bellach wedi cael ei drosglwyddo i ysbyty yn Stoke-on-Trent.

Dywedodd ei deulu eu bod nhw’n ceisio dod i delerau â’r digwyddiad “dychrynllyd” yma.

“Allwn ni ddim meddwl am unrhyw un fyddai eisiau anafu ein tad a’n partner annwyl,” meddai’r teulu mewn datganiad.

“Os oes gan unrhyw un unrhyw wybodaeth o gwbl am yr hyn sydd wedi digwydd, waeth pa mor fach, dywedwch wrth yr heddlu.

“Hoffem dalu teyrnged i’r gwasanaeth ambiwlans a’r staff meddygol am y gwaith anhygoel maen nhw wedi’i wneud.

“Rydym yn parhau’n obeithiol ac yn gofyn am breifatrwydd ar yr adeg anodd hon.”

Dywedodd yr heddlu bod Mr Corrigan yn ceisio trwsio lloeren deledu pan gafodd ei saethu tu allan i’w gartref ger y gyffordd rhwng Lon Porthdafarch a Ffordd Plas.

Dywedodd y Ditectif Prif Arolygydd Brian Kearney o Heddlu Gogledd Cymru fod staff meddygol a gweithwyr ambiwlans “wedi brwydro i arbed bywyd y dyn.”

Ychwanegodd fod y digwyddiad yn “anarferol iawn” ar gyfer yr ardal a’u bod nhw’n benderfynol o ganfod y sawl sy’n gyfrifol mor fuan â phosib.

Mae’r heddlu yn gofyn i unrhyw un sydd â gwybodaeth am y digwyddiad i gysylltu â nhw drwy ffonio 101.

Cymru

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer