Cyn-fecanig tre’r Sosban yn gwneud ‘peli Pasg’

Diweddarwyd  
Un o'r peli siocled enwog sydd ar werth yn siop Parc y Scarlets, Llanelli

Un o’r peli siocled enwog sydd ar werth yn siop Parc y Scarlets, Llanelli

Llun Cwtsh Chocolate

Mae cysylltiad Tre’r Sosban â rygbi wedi ysbrydoli un cwmni siocled yn y dref i greu wyau Pasg unigryw.

Ers rhai blynyddoedd bellach, mae cwmni Cwtsh Chocolate wedi bod yn cynhyrchu ac yn gwerthu wyau Pasg ar ffurf peli rygbi.

Yn ôl perchennog y cwmni, Peter Lloyd, mae’r wyau, neu’r peli siocled, yn boblogaidd drwy gydol y flwyddyn, yn enwedig ymhlith cefnogwyr clwb y Scarlets, sy’n medru eu prynu yn siop Parc y Scarlets adeg gemau.

“Gyda rhywbeth sydd wedi cael ei wneud â llaw, mae pobol yn eu hoffi nhw,” meddai Paul Lloyd, sy’n gwerthu rhwng 3,000 a 4,000 o’r peli bob blwyddyn.

“Ond â chymaint [o wyau] yn y siopau a’r archfarchnadoedd, mae’n rhaid bod yn wahanol iawn er mwyn gwerthu.”

O’r garej i’r ffatri siocled

Yn ogystal â chyflenwi’r Scarlets a rhai siopau yn nhref Llanelli, mae gan Cwtsh Chocolate gytundeb â’r clwb hoci, Cardiff Devils, hefyd, ac yn dosbarthu siocled i wledydd ledled y byd, gan gynnwys yr Unol Daleithiau.

Ond mae Peter Lloyd yn mynnu mai dim ond yn lleol y mae’r peli’n cael eu gwerthu, oherwydd y peryg nad ydyn nhw’n cyrraedd “mewn un pishyn” os ydyn nhw’n cael eu dosbarthu i leoliadau y tu hwnt i Gymru.

Fe ddechreuodd Peter Lloyd y fenter o gynhyrchu siocled pedair blynedd yn ôl, pan adawodd ei hen swydd yn fecanic mewn garej yn nhref Caerfyrddin oherwydd problemau iechyd.

“Dw i jyst yn hoffi siocled,” meddai. “Fe brynes i lyfrau a fideos a jyst dechrau arni.

“Hyd yn oed pan o’n i’n mecanic, roedd drâr y toolbox yn llawn siocledi.”

Arian a Busnes

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer