Apêl am berson sy’n cael ei amau o gyflenwi cyffuriau i fachgen, 13

 
Tabledi

Llun parth cyhoeddus CC0

Mae’r heddlu sy’n ymchwilio i farwolaeth llanc 13 oed a gafodd ei ganfod yn anymwybodol mewn parc, yn apelio ar bobol ifanc leol i gyhoeddi enw’r person sy’n cael ei amau o gyflenwi cyffuriau anghyfreithlon iddo.

Cafodd Carson Price ei ganfod mewn parc yn Ystrad Mynach ger Caerffili ar nos Wener (Ebrill 12), tua milltir o’i gartref yn Hengoed.

Mae’r heddlu’n credu bod “sylweddau anghyfreithlon” wedi cyfrannu at ei farwolaeth, er nad yw hynny’n wedi ei gadarnhau’n swyddogol.

Mewn apêl ar wefan Youtube ddoe (dydd Llun, Ebrill 15), mae’r Uwch Arolygydd Mic McLain o Heddlu Gwent yn gofyn am help wrth geisio cael y darlun llawn am oriau olaf Carson Price.

“Dw i’n credu bod rhywun, yn rhywle, wedi gwerthu cyffuriau anghyfreithlon i Carson, a bod pobol eraill yn yr ardal yn gwybod pwy yw’r person hwnnw,” meddai.

“Dydyn ni ddim yn derbyn hyn yng Ngwent. Mae cyflenwi cyffuriau yn gallu difetha bywydau pobol ac rydyn ni’n gofyn i drigolion i gysylltu â ni ar unwaith os oes ganddyn nhw wybodaeth ynglŷn â delwyr cyffuriau.”

Hyd yn hyn, does neb wedi cael eu harestio mewn cysylltiad â’r digwyddiad.

Mewn datganiad byr, dywedodd teulu Carson Price ei fod yn fachgen “caredig a chariadus”.

Cymru

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Anrhydeddau Gorsedd y Beirdd 2019