Apêl Llandysul yn codi dros £16,000 yn dilyn llifogydd Storm Callum

Diweddarwyd am  
Canolfan Canŵio Rhwyfwyr Llandysul adeg Storm Callum

Canolfan Canŵio Rhwyfwyr Llandysul adeg Storm Callum

Llun oddi ar gyfrif Facebook Paul Taylor

Mae cronfa a gafodd ei sefydlu gan drigolion ardal Llandysul yn dilyn llifogydd Storm Callum y llynedd wedi codi mwy na £16,000 a rhoi cymorth i 44 o bobol leol.

Cafodd ddwsinau o gartrefi a busnesau eu heffeithio gan dywydd garw ym mis Hydref, pan orlifodd afon Teifi ei glannau a chreu llanast ym Mhont Tyweli a’r ardal gyfagos.

Cyhoeddodd Cyngor Sir Gaerfyrddin gronfa gwerth £100,000 ar gyfer trigolion y sir a gafodd eu heffeithio, a chronfa ychwanegol gwerth £200,000 ar gyfer busnesau.

Fe aeth griw o wirfoddolwyr lleol hefyd ati i sefydlu Apêl Cymorth Llifogydd Llandysul a Phont Tyweli, ac erbyn hyn mae’r apêl wedi rhannu cyfanswm o £16,144.42 yn gyfartal rhwng 44 o bobol a ofynnodd am gymorth.

Yn ôl y Cynghorydd Keith Evans, un o weinyddwyr y gronfa, mae’r cyfan o ganlyniad i “haelioni cymunedau Sir Gaerfyrddin a Cheredigion”.

“Cymaint oedd cryfder y gefnogaeth gan y gymuned fel y penderfynodd rhai o’r rheiny yr effeithiodd y llifogydd arnyn nhw, ac a oedd yn gymwys i gael cymorth gan y gronfa, wrthod y cymorth gan ddweud eu bod yn teimlo bod mwy o’i angen ar bobol eraill,” meddai’r Cynghorydd Keith Evans.

“Roedd y rheiny y cynigwyd cymorth iddyn nhw yn cynnwys cartrefi, mentrau cymunedol a busnesau yn ardal y llifogydd, o Abercerdin i Bont Llandysul.”

 

Clonc360

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Anrhydeddau Gorsedd y Beirdd 2019