30,000 wedi bod i sinema Galeri yn y chwe mis cyntaf

Diweddarwyd am  
Rhys Ifans yn agor sinema Galeri

Rhys Ifans yn torri’r rhuban i agor sinema Galeri

Llun Galeri Caernarfon

Mae canolfan gelfyddydau Galeri yng Nghaernarfon wedi denu dros 30,000 i wylio ffilmiau ers agor dwy sinema newydd chwe mis yn ôl.

Cafodd dwy sgrin newydd eu hagor mewn estyniad i Galeri fis Medi’r llynedd gan yr actor Rhys Ifans, yn dilyn cyfnod o wyth mlynedd o gynllunio’r prosiect gwerth £4m.

Roedd Galeri wedi gobeithio gwerthu 500 tocyn yr wythnos – ond mae dros 1,000 yr wythnos wedi bod yn heidio yno i wylio ffilmiau.

Y ffilmiau mwyaf poblogaidd oedd Bohemian Rhapsody, Mary Poppins Returns, The Grinch, A Star is Born a Lego Movie 2: The Second Part.

 Creu tair swydd newydd

“Rydym yn hynod falch bod y sinema yn cael ei ddefnyddio cymaint gan unigolion, teuluoedd, grwpiau cymunedol a thripiau ysgol ac ati,” meddai Gwyn Roberts, Prif Weithredwr Galeri.

“Oherwydd y llwyddiant – rydym wedi gallu creu tair swydd newydd yma.”

Rhwng y ddwy sgrin, mae lle i 184 o bobol, “sy’n golygu ein bod ni bellach yn gallu ymrwymo i ddangos y ffilmiau ar ddyddiad rhyddhau am gyfnod o bythefnos o leiaf bob tro” ychwanegodd Gwyn Roberts.

Roedd yr arian ar gyfer y sinema newydd wedi dod o bedair ffynhonnell – £1.8m o goffrau Croeso Cymru, £1.5m gan Gyngor Celfyddydau Cymru, £185,000 gan Lywodraeth Cymru, a’r gweddill gan Galeri Caernarfon Cyf.

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer