Bwriad i adeiladu ysgol gynradd gwerth £4.9m yn ardal Cricieth

Diweddarwyd am  
Llun o fyrddau a chadeiriau lliwgar mewn dosbarth

Llun: Thelmdatter CCA3.0

Mae Cyngor Gwynedd yn bwriadu agor trafodaethau yn lleol ynglŷn ag adeiladu ysgol gynradd newydd – gwerth £4.9m – yn ardal Cricieth.

Daw’r cam ar ôl i arolygon adnabod “nifer o ddiffygion sylweddol” i adeiladau Ysgol Treferthyr y byddai angen sylw o fewn y pum mlynedd nesaf.

Dywed y cyngor fod llywodraethwyr Ysgol Gynradd Llanystumdwy hefyd wedi dangos diddordeb yn y bwriad ac yn awyddus i fod yn rhan o’r trafodaethau.

“Yn amlwg, mae’n ddyddiau cynnar, ond rydym yn falch ein bod wedi cynnal trafodaeth gyda llywodraethwyr, staff a rhieni Llanystumdwy, yn ogystal â chynrychiolwyr o Esgobaeth Bangor, ynglŷn ag unrhyw effaith posib y gallai adeiladu ysgol newydd yng Nghricieth gael ar ei hysgol hwy,” meddai’r Cynghorydd Gareth Thomas, aelod o’r Cabinet sy’n gyfrifol am Addysg.

“Braf nodi felly fod yr ysgol yn awyddus i fod yn rhan o Banel Adolygu Lleol wrth inni ystyried y camau nesaf.”

Y camau cychwynnol

Bydd adroddiad yn cael ei gyflwyno gerbron Cabinet y cyngor ar ddechrau mis Ebrill, a fydd yn gofyn am yr hawl i gychwyn trafodaethau yn lleol ynglŷn ag adeiladu’r ysgol newydd.

Os bydd y Cabinet yn cefnogi’r argymhelliad i gychwyn trafodaethau gyda’r ddwy ysgol, yna fe fydd yna gyfres o gyfarfodydd yn cael eu cynnal ac yn cynnwys cynrychiolwyr o ysgolion Treferthyr a Llanystumdwy.

Bydd y trafodaethau hyn, meddai’r cyngor, yn cynnwys materion fel lleoliadau posib ac anghenion ar gyfer yr ysgol newydd.

Addysg

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Anrhydeddau Gorsedd y Beirdd 2019