Dwy flynedd a thri mis o garchar i gyn-brifathro am droseddau rhyw

Diweddarwyd am  
Llys y Goron Abertawe

Llys y Goron Abertawe

Llun: Geograph

Mae cyn-brifathro ysgolion cynradd yn ne Ceredigion wedi cael ei ddedfrydu i ddwy flynedd a thri mis o garchar ar ôl pledio’n euog i chwe chyhuddiad o droseddau rhyw yn erbyn plant.

Roedd David Watkin Bundock, 74 oed, wedi cyfaddef bod ym meddiant lluniau anweddus o blant, gan gynnwys pedwar llun categori A – y math gwaethaf.

Roedd hefyd wedi cyfaddef ceisio cyfathrebu’n rhywiol â phlentyn a cheisio meithrin perthynas amhriodol â phlentyn.

Clywodd Llys y Goron Abertawe fod y troseddau wedi cael eu cyflawni rhwng mis Hydref 2017 ac Ionawr 2019.

Cafodd Wat Bundock, sydd bellach yn byw yng Nghaerdydd ond yn dod o Lanwnnen ger Llanbed yn wreiddiol, ei anrhydeddu ag MBE yn 2004 am ei wasanaeth i addysg.

Cefndir 

Bu’n brifathro ysgolion cynradd yn ardaloedd Llandysul, Capel Dewi, Aberbanc a Phont-siân am gyfnod o 35 mlynedd, cyn dod yn arolygydd lleyg gydag Estyn.

Mae hefyd yn awdur llyfr ar hanes ardal Pont-siân, sef Crwydro Dyffryn Cletwr, a gafodd ei gyhoeddi yn 1979 adeg dathliadau canmlwyddiant yr ysgol gynradd leol.

Yn ogystal â chyfnod yn y carchar, mae ei enw hefyd wedi cael ei ychwanegu at gofrestr y troseddwyr rhyw a’i wneud yn destun gorchymyn atal niwed rhyw am gyfnod o ddeng mlynedd.

Addysg

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Perthynas gymhleth Cymru a Lerpwl