Marw Mick Murphy, cyn-chwaraewr rygbi Cymru, yn 77 oed

Diweddarwyd  
Logo Undeb Rygbi Cymru

Llun: Undeb Rygbi Cymru

Mae’r cyn-chwaraewr dros Gymru a chyn-gadeirydd clwb Huddersfield, Mick Murphy, wedi marw yn 77 oed.

Yn ôl Cymdeithas Chwaraewyr Huddersfield, ei deulu oedd wedi dod o hyd i gorff y cyn-flaenwr yn ei gartref yn y dref.

Cafodd Mick Murphy ei eni yn Lerpwl, a chafodd yrfa ddisglair ar y cae rygbi – rygbi’r gynghrair a rygbi’r undeb – yn chwarae i glybiau Leigh, Barrow, St Helens a Bradford.

Bu hefyd yn cynrychioli Cymru yn ystod pencampwriaeth Cwpan y Byd rygbi’r gynghrair yn 1975. Fe wnaeth bump ymddangosiad yn y crys coch rhwng y flwyddyn honno a 1979.

Ar ôl treulio cyfnodau yn Ffrainc ac Awstralia, fe ddychwelodd i wledydd Prydain er mwyn rheoli clybiau, ac mae’n cael ei ystyried fel y dyn a achubodd glwb Huddersifeld ar ddiwedd yr 1980au ar adeg pan oedd y clwb yn wynebu trafferthion ariannol.

Cafodd ei gyfraniad i’r clwb hwnnw ei gydnabod pan wnaed ef yn aelod oes flynyddoedd yn ddiweddarach, ac mae’n debyg yr oedd yn bresennol mewn gêm rhwng Huddersfield a St Helens yr wythnos ddiwethaf (dydd Iau, Mawrth 14).

Yn ogystal â’i yrfa yn y byd rygbi, bu Mick Murphy hefyd yn athro ac actor ar gyfer y teledu.

Cymru

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Perthynas gymhleth Cymru a Lerpwl