Awydd i “uno’r Cymry” wedi sbarduno’r Twitter Cymreig

Diweddarwyd am  

Tŵt

Llun:Toot.wales

Awydd i “uno’r Cymry” ledled y byd sydd wedi sbarduno creu’r Twitter Cymreig, yn ôl ei sefydlydd.

Cafodd ‘Tŵt’ ei lansio ar Ionawr 1, ac yn debyg i Twitter mae’n galluogi defnyddwyr i rannu negeseuon byrion.

Ond yn wahanol i’r platfform Americanaidd, mae Tŵt yn ymfalchïo mewn dwyieithrwydd ac yn annog pobol i gyfrannu deunydd yn Gymraeg ac yn Saesneg.

Cymro alltud yw’r sefydlydd, Jazz-Michael King, 47, ac ers 1996 mae wedi bod yn byw yn Efrog Newydd yn yr Unol Daleithiau.

Mae’n galw ei hun yn “foi technoleg” a “nerd cyfrifiaduron”, ac yn esbonio’r hyn a wnaeth ei ysgogi.

“Ar ôl bod yma am 20 blynedd roedd yn hyfryd gweld y Cymry alltud yn dod at ei gilydd,” meddai wrth golwg360. “Mae adfywiad o fomentwm Cymreig wedi bod yn y ddinas.

“Trwy hynny dechreuais weithio â chriw GlobalWelsh a Tŷ Francis o Wales Week. Yn hynny i gyd, mi welais lawer o awydd i werthu Cymru ac i uno’r Cymry sydd wedi’u gwasgaru ledled y byd.

“Ond doedd neb o fy nghefndir i yn cymryd rhan. A doedd neb yn adeiladu ffordd i bobol gyfathrebu â’i gilydd. [Felly sefydlais Tŵt].”

Cymuned yw GlobalWelsh sy’n ceisio cadw Cymru alltud mewn cysylltiad. Mae Tŷ Francis yn Gadeirydd ar Wales Week – sef wythnos o ddathlu Cymru sy’n cael ei gynnal yn flynyddol.

Pwy yw Jaz?

Cafodd Jazz-Michael King ei eni a’i fagu yn ne Morgannwg, ac mae ei deulu yn ddi-Gymraeg. Symudodd i Brooklyn yn 1996 pan oedd yn 15 oed.

Cyn hynny bu’n byw yn Ffrainc am dair blynedd, ac mae’n dweud mai Ffrangeg oedd ei brif iaith. Bu’n rhaid iddo “ailddysgu” Saesneg pan symudodd i’r Unol Daleithiau, meddai.

Bellach mae wedi priodi dynes o America, mae’n dad, ac mae’n Swyddog Gweithredol ar gwmni iechyd. “Technology boss guy” yw sut mae’n disgrifio ei swydd.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Perthynas gymhleth Cymru a Lerpwl